Clásicas de Guitiriz 2: O tríptico

Este recorrido é un dos máis montañosos que se pode facer dende Guitiriz.

Nesta ocasion rodaremos casi integramente polos concellos de Aranga e Monfero e escalaremos as subidas máis coñecidas da zona, o triptico Aranga, O Raño eo Río Dez.

O primeiro será descender ata a ponte Aranga por unha divertida e bonita estrada dende A Castellana. Haberá que ir con precaución debido as fortes pendientes pero o perfecto estado do asfalto será un bo aliado. A partir de aquí temos por diante uns durisimos 35kms con practicamente 1200m de desnivel positivo acumulado que nos van poñer a proba.

Debemos cruzar a ponte sobre o sempre bonito río Mandeo, donde comezará a ascensión á Costa do Vieiro ou tamén coñecida na zona como a subida do mirador de Aranga, polo espectacular mirador que ten xusto antes de coronar e que non debemos pasar de largo. Esta ascensión e unha das multiples que pode facerse neste profundo val, pero sin duda éa mais coñecida e dura de todas.

Acto seguido e despois de unhas ultimas rampas que nos levarán polo monte Penedo do Boi, tocará a tamén esixente subida ó Monte do Raño que nos deleitará cunhas boas vistas dende a cima.

Despois de descender ata o val de Xestoso donde poderemos avituallarnos, e cruzar o río Dez, tocará a ultima ascensión do día ata o parque eólico de Sotavento. Unha dura subida que comezaremos rodeados de uns preciosos bosques autoctonos, e irá suavizando co paso dos kms, mentres o paisaxe tamen cambiará a prados de montaña que nos deixarán expostos ó posible vento.

Dende aquí xa solo queda baixar ata Momán e rodar por boas estradas ata Guitiriz.

En resumen, recorrido corto pero mui intenso, con estradas secundarias e subidas duras que nos compensarán con boas panorámicas.

Desnivel acumulado aproximado: 1560m+