La Vuelta a Cuera
near Oceño, Asturias (España)
Viewed 489 times, downloaded 24 times
Trail photos
Itinerary description
Cuera ye una sierra prellitoral d'unos 30 km paralelos y a tan solu 6 km de la mar col puntu más altu a 1315 m, la Peña Turbina.
Cabrales, El Mazucu, Llanes, El Valle Oscuru y Peñamellera, vamos!
Arrancamos en Mildón en dirección a Arenas, con unos 10 km de pendiente suave pela parte baxa de Cabrales pasando Arenas, Po y Carreña hasta la puente Inguanzo, equí la pendiente asciende un poquitín hasta la puente El Golondrón. A la salida la puente, Las Campinas, tornamos 180º a la derecha y en fuerte pendiente (cuidáu cola alcantariella), empezamos la subida a Puertas y Pandiellu. Siempre subiendo durante más de 4 kilómetros con tramos de descansu enantes y depués de Puertas nos que la pendiente suaviza y podemos disfrutar de la vista a Los Picos. A partir del cementeriu Santolaya les pendientes del 15, 17 y hasta 19% van facenos sentir bien vivos hasta coronar Pandiellu. Descendemos a H.ortigueru y volvemos a la carretera xeneral a mano derecha, descansu, repechu y baxamos al Cruce pa garrar la carretera del Ríu Las Cabras (AS-115) y baxar a L’Agüera Meré, conceyu Llanes.
Tres kilómetros de calentamientu hasta Cortines y empezamos la subida a La Tornería. Los 3 kilómetros hasta pasar El Mazucu son los más duros, a más del 8%, pero los 3 siguientes van danos aire pa disfrutar de la cima La Tornería. Atención a la baxada, más pindia nos primeros 2 km. Pasamos Parres y Pancar a les inmediaciones de la villa de Llanes. Primer rotonda a la derecha y segunda de frente pela LLN-2 a Cue y al mirador de La Boriza, una subida suave a la vera la mar pa tomar en La Galguera la carretera nacional hasta’l cruce de Purón a mano derecha nun repechu. La AS-343 cruza’l Valle Oscuru pa llevanos a Villanueva (conceyu Ribadeva) onde volvemos pa Sieju, al llau de Panes, Peñamellera.
Otra vez na AS-114 en dirección Arenas, pedaleamos 8 km xuntu al Cares y en Niserias entramos a la derecha subiendo pa Alles. Pasando Alles, subibaxa per Ruenes a Rozagás y un apretón final nel últimu kilómetru a La Cruz. Descensu a Arenas y mano izquierda, la AS-114 de vuelta pa Mildón, onde nos espera daqué refrescante y puede que la comida, la cena o daqué pa picar (hoi en día, el bar de Mildón ta peslláu)
La ruta recorre carreteres de los conceyos de Cabrales, Onís, Llanes, Ribadeva y el Valle Baju y el Valle Altu de Peñamellera
Waypoints
Mildón
Principiu y final de la ruta, Mildón, casería con chigre-restaurante na llende del Valle Altu Peñamellera con Cabrales. Salimos ascendiendo suavemente col ríu Cares a la nuestra derecha contra Arenas.
Comida caseru y cabritu xuntu a pozos salmoneros emblemáticos del Cares como'l de Miñances.
Las Campinas
En pasando la puente El Golondrón entramos a la derecha en curva zarrada y fuerte pendiente pa subir pa Puertas y Pandiellu.
700m de subida y un descansu de 300m a Puertas. En Puertas siguimos a mano izquierda pa siguir pa Pandiellu per La Ería, terrenu suave pero con alguna rampa de más del 10% y grandes vistes a Los Picos y El Puertu Soga.
A partir del cementieriu Santolaya, grandes pendientes de más del 15% llegando al 19% hasta Pandiellu pa coronar en Pereh.ita.
Si preferimos una subida non tan fuerte siguimos ensin desvianos pa subir pa H.ortigueru per Las Estazadas (pendiente media 5,8%)
Puertas
Cabecera de la parroquia Santolaya que conformen los pueblos de Puertas, Pandiellu y L'Escobal.
El 5 d'agostu celébrase la fiesta Las Nieves.
Pandiellu
Pandiellu
Altu H.ortigueru
432m
El Cruce
Adientrándonos unos cientos de metros nel conceyu Onís, nel cruce tomamos a la derecha la carretera pa Llanes, el ríu Las Cabras.
Les subides que pasen per esti puntu pa subir a H.ortigueru son Los Bosques dende Avín (Onís) y el Ríu Las Cabras dende Posada (Llanes). Per Cabrales súbese per Las Estazadas.
Cruce La tonería
Dexamos la baxada suntu al Ríu Las Cabras y entramos a mano derecha pela carretera La Tornería, a onde subimos per Debodes, Caldueñu y El Mazucu
Altu La Tornería
471m
A pocos metros del altu, pel camín pa Los Resquilones, podemos ver la placa dedicada a los milicianos antifacistes que llucharon na Batalla d'El Mazucu contra la Brigada Navarra del bandu franquista. (a pie a les antenes de los Resquilones, 1h 15' ida y vuelta)
Pancar
Llegamos a les afueres de la villa de Llanes, vamos entrar y na rotonda de la estación d'autobuses garramos la LLN-2 a Cué.
Nest itramu tenemos que tener especial atención col tráficu.
Mirador de La Boriza
Vistes a les sableres de Ballota y Andrín
Cruce La Galguera
Tomamos durante unos pocos kilómetros la carretera nacional, con pocu tráficu dende que se fizo l'autopista, hasta'l cruce Purón
Cruce Purón
Entramos a mano derecha pela carretera del Valle Oscuru.
Villanueva
Yá nel conceyu Ribadeva, baxamos pa contra Panes
Cruce Panes
Si necesitamos algo podemos arrimanos a Panes (bares, supermercaos, gasolinera).
Si non, siguimos la ruta a mano derecha pela AS-114.
Peñamellera ta dividida en dos partes, El Valle Baju y el Valle Altu (alministrativamente Peñamellera Baja y Peñamellera Alta) y la so divisoria ye la Pica Peñamellera, que diremos viendo durante esti tramu
Niserias
Abandonamos la AS114 y el ríu Cares y tomamos a la derecha la subida pa Alles, 4km al 6% a los que siguen 7 kilómetros mui prestosos de sube y baxa pasando per Ruenes pa culminar con otros 2 de subida al 6% pasando Rozagás pa culminar en El Pandu
Alles
Capital del Valle Altu Peñamellera
Colláu La Cruz
Divisoria con Cabrales, a 431m d'altura y a solu 2 km en llínia recta del Picu Turbina, techu de Ceura a 1315m d'altu.
Baxamos suavemente pa Arangas y depués pa Arenas.
Arenas
Ye'l pueblu más grande de Cabrales, na amestadura del ríu Casañu col Cares y puerta d'entrada a la carretera Sotres y por tantu de los Picos d'Europa.
A mano izquierda, volvemos pa Mildón
Mildón
Principiu y final de la ruta, Mildón, casería con chigre-restaurante na llende del Valle Altu Peñamellera con Cabrales. Salimos ascendiendo suavemente col ríu Cares a la nuestra derecha contra Arenas. Comida caseru y cabritu xuntu a pozos salmoneros emblemáticos del Cares como'l de Miñances.
Comments (1)
You can add a comment or review this trail
Hola compañero me alojo en inguanzo a finales de julio y me gustaria hacer esta ruta, yo tenia pensado salir de inguanzo direccion a arenas para hacer al sentido contrario como lo ves merece la pena ?
leí decían que acumulaba mas metros en ese sentido