20190330 Zumaia-Getaria-Garatemendi-Artia-Karakas-Zumaia

Zumaian hasi eta bukatzen den txangoa, Getarian eguerdi ederra eginaz. Guk Getarian bazkaldu eta hondartzan denbora pasa egin dugu, baina denborak egokitu egin ditut. Oso buelta polita umeekin egiteko.

Zumaian Getariako norantza hartuko dugu eta burnizko zubia pasa ondoren Zuloaga gunera helduko gara. Hau pasa ondoren errepidearen beste aldera pasako gara eta hemen, Gipuzkoako Bira edo GR-121 markatzen duten seinaleak jarraituz, maldan gora aldapa gogorra igotzen hasiko gara. Marka hauek Getariko Askizu auzoaraino jarraituko ditugu, haren sarreran markak eskubira eta guk ezkerrera egingo dugularik.

Askizuko eleizaren ondotik bajatuta, San Prudentzio auzora doan bidexka hartuko dugu maldan behera eta tarte baten errepidetik joan ondoren, auzo hau atzean utziko dugu, gure eskubitan galtzada erromatar baten hasiera ikusi arte. Galtzada hau jarraituz, herrigunean sartuko gara, Gaintza txakolindegiaren ondotik. Hemendik bidea oso erraz jarraitzen da herriguneraino eta hemen portura eta (guk hori egin dugu) Ketarrin bazkaltzera. Bazkal ostean hondartzara etorri gara eta solasaldiaren ondoren hemendik Elkanoren mausoleora igotzen duten eskailerak igoko ditugu. Hemendik berriz ere Gaintza txakolindegira igoko gara, baina hemen ezkerrera hartuko dugu eta berehala eskubira etxe artetik. Laister PR marka zuri-horiak ikusiko ditugu eta jarraitu goraka, Garatemendiraino.
Hemen eskubira hartuta, lasiter zementozko pista bat hartuko dugu eta hau jarraituz aurrera egingo dugu. Laister bidegurutze bat ikusiko dugu, Zumaiarako eskubiko norabidea markatzen duten seinaleekin, baina guk ezkerretik jarraituko dugu pista bukatu arte eta hemen aurrera egin belarrezko pista batetik. Bide hau beheraka joango da, Artia baserriraino eta hemen, eskubira hartuta, GR marka zuri-gorriak jarraituz laister Karakas baserrri-landetxera helduko gara eta hemendik bidea jarraituz zumaiara helduko gara, berriz zuloaga museoaren ondoan.