20210423 Aizarnazabal Iraeta Endoia Sastarrain Zestoa Iraeta Aizarnazabal

Aizarnazabalen hasi eta bukatzen den txangoa. Herritik irten eta hilerria eta Amilibia baserria pasa ondoren hasten den bidegorria jarraituko dugu, Zestoako Iraeta auzoraino. Auzo honetan urola ibaiaren gainetik pasatuta, errepidea jarraituko dugu Arroa Goia auzora joateko.
Arroa Goian Endoiarako bidea markatuko diguten marka zuri-urdinak jarraituko ditugu, asfaltoa laister utziz eta mendibidea jarraituz maldan gora.

Endoia auzora Bisubide baserriaren ondotik helduko gara. Bertan errepidea hartuko dugu eskubitara, Lakiola baserriaren parerarte (ggb 400 metro). Hemen ezkerrera hartuko dugu porlanezko (zementuzko) pista bat, Txankarta baserrira doana.

Txankarta baserrian eskubira hartuko dugu eta mendibidean sartuko gara, mendiko pistan. Hemendik aurrera pinuak botatzeko eginiko pistak baserriko pistakin nahasten dira, beraz komenigarria da Track-a jarraitzea. Mendian behera eginaz Sastarrain baserri-eskolako zalditokira helduko gara. Hemen bidean behera egingo dugu eta laister Sastarrain bertara helduko gara. Hortik asfaltozko bidea jarraituko dugu zestoaraino.

Zestoara Lili jauregiaren parean helduko gara. Hemen aldapatxo txiki bat igota trenbide zaharrera igoko gara eta hau ezkerrera hartuz Zestoako geltoki zaharra pasako dugu eta berriz Urola ibaiaren gainetik pasatuz bidegorria hartuko dugu, Iraetaraino.

Iraetan etorreran ekarri dugun bidearekin bat egingo dugu eta beraz ez daukagu galtzerik Aizarnazabaleraino.

Txango polita eta jarraitzeko erraza.

IBP_Index: 61 (https://www.ibpindex.com/ibpindex/ibp_analisis_completo.php?REF=38283566184616&LAN=es&MOD=HKG)

Ayvri.com: https://ayvri.com/scene/dk3zpve65x/cknu6vepk00003l6nimmynlpp