A La Xamoca dende Piloña

Muriosa nel GR AS 105 - Mayáu L'Abeduriu - Mayáu La Infiesta - Colláu L'Arrudu - Colláu Mullera - Bordiando'l picu pel fayéu de la cara oeste y sur de La Xamoca - Subida pel este - Baxada con direición nordeste pa travesar el guapu fayéu de la falda norte - Colláu Mullera - Faldiando pel sur los picos La Fonte y Rosellón o Campuetos - Baxada pel cordalín que paralelu a la fastera este de Peñamayor y separtáu per una riega, llega al GR 105 - Muriosa - GR AS 105 - Biforcos.

La subida y la baxada al picu foi bastante caótica. La primera por tratar de facelo demasiao direuto y la segunda p'arrodiar el picu pela fastera norte. De toes formes nun tien denguna complicación.
Nel acercamientu,´dempués del mayáu l'Abeduriu, esviémeme un pocu del camin pa volver a retomalu algo más arriba.
De vuelta, tamíen salí dalgunes veces del senderu pa intentar atayar. Fueron tramos curtios y pémeque nun dificulten el percorríu.

Esti track y les informaciones son consideraciones propies.
Debe tenese en cuenta que les siendes y caminos, col pasu del tiempo, cambien y xeneralmente empeoren pol aumentu de broza y maleza. La perda y zarru de caminos ye dalgo que tolos qu’andamos pel monte conocemos bien.
Pensamos que la mejor manera de hacer una ruta que desconocemos ye estudiar varios track y elexir los más recientes. Si puede ser más de uno y que se asemeyen.
Les condiciones meteorolóxiques, la borrina por exemplu, siempre deben tenese en cuenta.
Tamién ye perimportante la preparación física y téunica de la xente que realice el percorríu.
La nuesa intención ye ayudar a facer una ruta que a nós mos prestó. Nun garantizamos que’l camín que suxerimos seya la meyor opción. Por todo ello nun mos facemos responsables de fechos que puedan ocasionar dalgún accidente o trestornu.