A Teixeira. Circular con vistas aos canóns do Mao e do Sil.
near A Teixeira, Galicia (España)
Viewed 177 times, downloaded 3 times
Trail photos
Itinerary description
Camiñada moi fermosa polo territorio da Teixeira. Feita seguindo esta: https://gl.wikiloc.com/rutas-sendeirismo/a-teixeira-ruta-circular-2-56853833
Comeza a carón do Centro de Saúde, aínda que se pode comezar en calquera outro punto da vila, pero sendo sempre recomendable dar un paseo polas súas rúas onde se conservan bastante ben mostras da arquitectura popular. Por consello dun veciño visitamos a aldea contigua da Armada, que está en ruínas. Nesta aldea, que noutrora tivo que ser rica pola robusta e coidada edificación que aínda mostra, podemos ver un magnífico escudo comesto das hedras.... Unha traxedia a situación da Galiza saqueada de riqueza e de xente! Volvendo polo núcleo municipal comezamos o camiño propiamente dito a carón dun panel informativo sobre a ruta PR-G 224 que, máis ou menos emula a que facemos (aínda que desviándonos da aldea de Cristosende, porque non se pode ter todo!) En principio seguimos un camiño (algo lamacento nesta época logo de moita augada, atención ao calzado...) paralelo á estrada OU 0606. Atravesamos esta e comeza a baixada que nos levará cara o canón do Mao, podendo gozar a magnífica paisaxe deste. En fronte temos Barxacova, San Lourenzo, a pasarela do Mao... Tamén comezamos a ver a bacía do Sil. Na zona aínda quedan viñas en socalcos. Alcanzado o punto máis baixo seguimos unha pista gozando do canón do Sil e da paisaxe de viñedos do fronteiro concello de Sober. Virando cara a dereita comezamos a subida de volta ao comezo. Nun punto temos a conexión con outras rutas cara o Val da Abeleda e o Miradoiro do Corvo. Atravesando a aldeíña da Portela, en nada estamos de novo na Teixeira.
En resumo, unha ruta bonita pola paisaxe e as poboacións. O desnivel que figura non é correcto (debe andar polos 450 m.) por fallos quer do teléfono, quer da aplicación, e coido que é asumible por moitas persoas habituadas a camiñar polo monte. Sen dúbida, recomendable facela no outono. As cores da vexetación son marabillosas nesa estación. Por contra non parece moi axeitada para días de moita calor.
TRUCO QUE USEI CANDO O WIKILOC SE PERDÍA DO SATÉLITE: finalizar a ruta, gardala sen subila, buscala no perfil (só copia local), abrila e darlle a "continuar gravando" ou algo así. Se se quere proseguir a ruta que se viña seguindo, búscase nas "rutas gardadas", ábrese e dáselle a "seguir ruta" da maneira habitual. (Se avisa que xa se está seguindo unha ruta e se desexa substituír, premer "si"). Visto que facendo isto a aplicación volve situarse no punto correcto, penso que debe ser fallo dela e non do teléfono que si facilita ubicación correcta dos satélites...
Comeza a carón do Centro de Saúde, aínda que se pode comezar en calquera outro punto da vila, pero sendo sempre recomendable dar un paseo polas súas rúas onde se conservan bastante ben mostras da arquitectura popular. Por consello dun veciño visitamos a aldea contigua da Armada, que está en ruínas. Nesta aldea, que noutrora tivo que ser rica pola robusta e coidada edificación que aínda mostra, podemos ver un magnífico escudo comesto das hedras.... Unha traxedia a situación da Galiza saqueada de riqueza e de xente! Volvendo polo núcleo municipal comezamos o camiño propiamente dito a carón dun panel informativo sobre a ruta PR-G 224 que, máis ou menos emula a que facemos (aínda que desviándonos da aldea de Cristosende, porque non se pode ter todo!) En principio seguimos un camiño (algo lamacento nesta época logo de moita augada, atención ao calzado...) paralelo á estrada OU 0606. Atravesamos esta e comeza a baixada que nos levará cara o canón do Mao, podendo gozar a magnífica paisaxe deste. En fronte temos Barxacova, San Lourenzo, a pasarela do Mao... Tamén comezamos a ver a bacía do Sil. Na zona aínda quedan viñas en socalcos. Alcanzado o punto máis baixo seguimos unha pista gozando do canón do Sil e da paisaxe de viñedos do fronteiro concello de Sober. Virando cara a dereita comezamos a subida de volta ao comezo. Nun punto temos a conexión con outras rutas cara o Val da Abeleda e o Miradoiro do Corvo. Atravesando a aldeíña da Portela, en nada estamos de novo na Teixeira.
En resumo, unha ruta bonita pola paisaxe e as poboacións. O desnivel que figura non é correcto (debe andar polos 450 m.) por fallos quer do teléfono, quer da aplicación, e coido que é asumible por moitas persoas habituadas a camiñar polo monte. Sen dúbida, recomendable facela no outono. As cores da vexetación son marabillosas nesa estación. Por contra non parece moi axeitada para días de moita calor.
TRUCO QUE USEI CANDO O WIKILOC SE PERDÍA DO SATÉLITE: finalizar a ruta, gardala sen subila, buscala no perfil (só copia local), abrila e darlle a "continuar gravando" ou algo así. Se se quere proseguir a ruta que se viña seguindo, búscase nas "rutas gardadas", ábrese e dáselle a "seguir ruta" da maneira habitual. (Se avisa que xa se está seguindo unha ruta e se desexa substituír, premer "si"). Visto que facendo isto a aplicación volve situarse no punto correcto, penso que debe ser fallo dela e non do teléfono que si facilita ubicación correcta dos satélites...
Waypoints
Fountain
1,899 ft
Dereita, na estrada OU 0605
Deixamos o trazado do ruta municipal e collemos cara o canón do Mao.
You can add a comment or review this trail
Comments