A Torre de alarma de Barciela (Forcarei)
near Quireza, Galicia (España)
Viewed 3030 times, downloaded 30 times
Trail photos
Itinerary description
No concello de Forcarei consérvase en bo estado unha senlleira construción datada no século XV, a Torre de alarma de Barciela. Esta edificación érguese na freguesía de Santa Mariña de Castrelo, case na estrema co veciño concello de Cerdedo.
Tiña o propósito de convocar a veciñanza para o culto, para reunións das xuntas de montes e en tempos das Guerras Carlistas para aviso de incursións. Está feita en pedra sobre un basamento cuadrangular e un corpo central circundado polas escadas que levan a plataforma dende a que se acendía o lume das sinais ou se facian repinicar as campás.
A Torre será a nosa meta, mais antes tamén o percorrido terá o seu interese; xa a un chisco de comezar, no lugar de Os Castros -concello de Cerdedo-, atopámonos co conxunto parroquial de Santo Tomé, cunha igrexa en estilos barroco e neoclásico e unha reitoral con balconada sobre oito columnas labradas. Pasamos por Xieiros, O Quinteiro e no Piñeiro temos a capela de San Xoán. De aquí baixamos pola verea que leva a outra beira do río Quireza e a sombra da frondosa fraga acadamos o afluente rego do Batán.
Colgado sobre este regato resisten as enfeitizantes ruínas do casarío de Fraguas que dan paso a unha carballeira. En Tomonde sobrancea a súa igrexa de Santa Mariña con partes románicas e desde o adro ollamos o verdescente val do río Quireza.
Chega o intre de máis esforzo; a subida polas abas da Pena Forcada hai que tomala sen présas e no alto agardan as lindes entre Cerdedo e Forcarei.
A baixada montesía faise lixeira ata unha carballeira, preludio do igrexario de A Mota e a lanzal Torre de alarma de Barciela.
Tiña o propósito de convocar a veciñanza para o culto, para reunións das xuntas de montes e en tempos das Guerras Carlistas para aviso de incursións. Está feita en pedra sobre un basamento cuadrangular e un corpo central circundado polas escadas que levan a plataforma dende a que se acendía o lume das sinais ou se facian repinicar as campás.
A Torre será a nosa meta, mais antes tamén o percorrido terá o seu interese; xa a un chisco de comezar, no lugar de Os Castros -concello de Cerdedo-, atopámonos co conxunto parroquial de Santo Tomé, cunha igrexa en estilos barroco e neoclásico e unha reitoral con balconada sobre oito columnas labradas. Pasamos por Xieiros, O Quinteiro e no Piñeiro temos a capela de San Xoán. De aquí baixamos pola verea que leva a outra beira do río Quireza e a sombra da frondosa fraga acadamos o afluente rego do Batán.
Colgado sobre este regato resisten as enfeitizantes ruínas do casarío de Fraguas que dan paso a unha carballeira. En Tomonde sobrancea a súa igrexa de Santa Mariña con partes románicas e desde o adro ollamos o verdescente val do río Quireza.
Chega o intre de máis esforzo; a subida polas abas da Pena Forcada hai que tomala sen présas e no alto agardan as lindes entre Cerdedo e Forcarei.
A baixada montesía faise lixeira ata unha carballeira, preludio do igrexario de A Mota e a lanzal Torre de alarma de Barciela.
Waypoints
Fountain
1,785 ft
Area lecer Sta Mariña
Área recreativa a carón da igrexa de Santa Mariña de Tomonde.
Religious site
1,264 ft
Igrexa Sto Tome
Igrexa n´Os Castros, Quireza, en estilos barroco e neoclásico.
You can add a comment or review this trail
Comments