A Vía Mariana por Covelo

A Vía Mariana Luso-Galaica é un novo camiño de peregrinaxe que está agora mesmo en fase de consolidación e que liga dez importantes santuarios con advocación a Virxe, desde Braga ata Muxía. Ao longo de 372 Km os santuarios de renombre polos que pasa son:

Nossa Senhora de Sameiro, en Braga
Catedral de Braga
Nossa Senhora da Peneda, no concello de Arcos de Valdevez
Santa María da Franqueira, no concello de A Cañiza
Santa María de Aguasantas, en Cotobade
Virxe dos Milagres de Amil, Moraña
Virxe dos Milagres de Requián, no concello de A Estrada
Santuario da Escravitude, en Padrón
Virxe do Portal, en Santiago de Compostela
Virxe da Barca, no concello de Muxía

A Asociación Mariana Luso-Galaica otorga as “marianas” a quen complete o percorrido nun sentido ou no inverso (danse en Braga e Muxía). O santuario portugués de Monte Sameiro é o segundo en importancia en Portugal -logo do de Fátima-, mentras que a Nosa Señora da Barca é un dos dous finais da prolongación do Camiño de Santiago ata a Costa da Morte.

A idea deste Camiño partiu de Luis do Freixo -un auténtico coñecedor e impulsor dos Camiños Portugueses Xacobeos- e máis de José Antonio de la Riera -membro fundador e antigo presidente da Asociación Galega de Amigos do Camiño de Santiago- e pretenden acadar o seu recoñecemento coma Itinerario Cultural Europeo.

O noso roteiro transcorre polo concello de Covelo, indo nunha metade pola Vía Mariana e facendo o regreso por outros camiños coa finalidade de facer un traxecto cicular, que comezamos no mesmo centro de Covelo, ao carón da súa casa consistorial e no adro da capela de Santiago.

Teremos ocasión de pasear baixo frondosas carballeiras, pasar sobre antigas pontellas de pedra que salvan os regatos Refusio e Verdego, e contemplar as igrexas de Santa Mariña -con casa reitoral-, o santuario da Santa Cruz en Baldomar e a citada ermida de Santiago de Covelo.