Aizkorpe bailara ezagutuz: Zegamako Uraren ibilbidea

Ibilbide zirkularra Zegamatik. Ehuneko 99% Balizatutako bideetatik doa ibilbidea, Aurrena Pr-Gi 3009-Donejakue bidea-Sancti Espiritu aldera doana eta gero SL GI 20 Kanalaren bidea. Nabarmen gutxiko mendi bide zatitxo bat dago (200 m) Arantzadizelai eta Arantzadizelaiondo baserrien artekoa, landaretza pixka bat dago bainan pasatzeko arazorik ez dago. Kanalaren hasieran baino 400 m lehenago alertze batzuk kanalaren gainean daude erorita, adar eta enborreen gainetik pasa behar da bira txiki bat eginez. Beste bide guztiak egoera onean aurkitu genituen, txangoari jarraipena eramateko errazak.

Ibilbide hau klasikoenetako bat da Zegaman, ez dira mendi tontorrik zapaltzen. Herriaren bueltan dauden bide, sendak eta interesgune batzuk ezagutzeko aukera eskeintzen du txango honek. Oria ibaia eta bere inguruko errota zaharrak edo ta Aizkorriren magaletan dauden goi auzoko baserriak, Iruetxetaldea eta Goroepealdera bezelakoak. Eta gorago kanalaren bidea. Kanal honek Sancti Espiritu ipar ekialdeko basoetan amaitzen da, Basaizulota izena duen inguruan. Kanal osoa 6.5 kilometroko luzera du (Ibilbide hontan 5 km egin genituen). Desnibel gutxikoa da, gutxi gorabehera 675 metroko garaieran luzatzen da mendiei erantsita. Paraje basotxua da, pinudiak eta pagadiak batez ere. Aizkorriko iparrisurialdeko iturburu eta errekastoen ur emariak biltzen ditu. Oria ibaiairen ubide sakonean, 430 m beherago kokatuta, argi indarra sortzeko estaziora bideratzen ziren, Zegamako Papelerari hornitzeko eta abar. Gau egun kanalaren zati asko urik gabe eta egoera txarrean daude bainan Iturbietako presa pare hortan ur dexente darama eta erabilgarria izateko mantentze lanak egiten dira oraindik. Urte asko geldirik egon arren, zentral hidroelektrikoa martxan dago, beraz presako urak argi indarra sortuz jarraitzen du.

Aizkorripetik igaroz doa Ibilbide gomendagarri hau, basoetatik hein haundi batean. Eguraldia lagun txoko eta pasabide politak ikusi genituen. Zenbait puntuetatik ere Zegama era Oria ibairen goi bailararen bista ederrez gozatzen joan ginen.