Aizkorri mendilerroaren mendebala: 6 tontor Arantzazutik

Arantzazuko Santutegitik abiatzen den ibilbide zirkularra. Besteak beste leku eta tontor hauetatik pasatzen dena: Unaimendi- Duru- Eskista- Biozkornia mendi lepoa- Arriurdin- Errikoaitza- Akaitz- Aitzarrate mendi lepoa- Buetraitz- Kurtzezar eta Gorgomendi.

Euskal mendizaleok asko estimatzen degun Aikorri-Aratz Parke Naturalaren barrutian kokatzen da ibilbide hau. Aski ezagunak diren balizatutako mendi bideetatik luzatzen da.

Arantzazutik Unaimendi joan etorrikoa bide berdinatik egiten da eta Unaimenditik buelta zirkularra gero. Duru eta Eskista lepotik pasa ondoren pausoak Biozkornia mendi lepora bideratzen dira. Biozkorniatik Arriurdingo ekialdeko maldatik gora jarraitzen da, arkaitzetan marra zuri-horiz balizatutako norabidea jarraituz. Balizatutako bide honek Arriurdindik Gorgomendiraino iristen da. Mendi lerroaren hertzatik doa, arkaitz gainetik denbora dexente, batez ere Arriudin eta Boetraitz bitarteko tartean. Zenbat puntutan pasabide zakarrak daude eta desnibelagatik pixka bat deserosoak. Halako tokietatik ibiltzen ohituta dagoenentzako oso bide erakagarria. Gorgomenditik Unaimendira Aloñamendiko larreetatik berantz egiten da.

Txango hau arkaitz puntu askotatik pasa arren (derrigorrezkoak), deserosoenak saiestuz doa, balizatutako bidetik noizbeinka aldenduz. Naiz eta luzera txikikoa izan prestakuntza fisiko eta ohitura pixka bat eskatzen duen ibilaldia da. Argazkietan ikusten dan bezela paraje eta panoramikak ikusgarriak dira, eguraldiak laguntzen duenean batez ere.