Al Sueve dende Miyares: picos Ordiyón, Cuervos y Múa

Miyares - Pista l'Armonga - Cantu Miyares - Paré La Xenra - Picu Ordiyón - Collada Campucima - Picu Los Cuervos - Picu La Múa - Mayáu Espineres - Colláu Ovines - Manga ganadera La Raíz - Valle Campurríu o Campu'l Ríu - Collada Campucima - Lladera este l'Ordiyón - Cantu Miyares - Pista l'Armonga - Miyares.

Fixere esti percorríu fai dos años. La borrina y la prudencia obligáronme a baxar pela pista al altu La LLama. Llueu, lo peor, casi 8 km de carretera pa llegar a Miyares que son una tortura pa cualquiera.
Nesta ocasión pudi completar y disfrutar del prestosu percorríu sin casi pisar carreteres.
Sin dulda, con dalguna variante, nun tardaré en repetir esti prestosu paséu.
(Si la borrina ye la mayor enemiga del caminante per montes y viesques nel casu'l Sueve hai que tener un cuidáu especial. Con niebla meyor dexalo pa otru día).

(Anque toes son de la ruta, munches de les semeyes nun se correspuenden colos llugares de los waypoints).

Esti track y les informaciones son consideraciones propies.
Debe tenese en cuenta que les siendes y caminos, col pasu del tiempo, cambien y xeneramente empeoren pol aumentu de broza y maleza. La perda y zarru de caminos ye dalgo que tolos qu’andamos pel monte conocemos bien.
Pensamos que la mejor manera de hacer una ruta que desconocemos ye estudiar varios track y elexir los más recientes. Si puede ser más de uno y que se asemeyen.
Les condiciones meteorolóxiques, la borrina por exemplu, siempre deben tenese en cuenta.
Tamién ye perimportante la preparación física y téunica de la xente que realice el percorríu.
La nuesa intención ye ayudar a facer una ruta que a nós mos prestó. Nun garantizamos que’l camín que suxerimos seya la meyor opción. Por todo ello nun mos facemos responsables de fechos que puedan ocasionar dalgún accidente o trestornu.