Allariz. Ruta dos lagarteiros.
near Allariz, Galicia (España)
Viewed 130 times, downloaded 5 times
Trail photos
Itinerary description
Ruta xeitosa polo concello de Allariz. Feita seguindo esta: https://gl.wikiloc.com/rutas-sendeirismo/ruta-dos-lagarteiros-concello-allariz-ourense-72525597
Comeza na zona deportiva, a carón da estrada OU-300. Aquí hai lugar onde estacionar. diríxese río abaixo e case inmediatamente crúzase por unha pontella con chan de madeira. Séguese a corrente do río para ao cabo de pouco máis dun quilómetro comezar a subir cara as aldeas de A Orraca, e os distintos Queiroás: Queiroás da Igrexa, Requeixo de Queiroás, e Queiroás Grande. En Queiroás da Igrexa convén deterse a observar o propio templo, San Breixo, de construción románica (séculos XII-XIII) pero cun (horrible) engadido posterior. Nestas aldeas podemos ver fermosas casas rehabilitadas con gusto e outras en triste abandono. Tamén atraen a atención uns cantos cabaceiros en distinto estado de conservación.
Seguen unha parte de baixada ata a beira do Arnoia, onde atopamos un vello muíño xa cuberto pola maleza, mais aínda en pé. Crúzase por unha pontella de pedra de moi boa factura e retórnase ao punto de comezo pola beira esquerda do río (dereita segundo camiñamos).
A ruta ten bastante sombra pois atravésanse carballeiras e zona de ribeira. A vexetación nesta época está espectacular. Os camiños están limpos aínda que nalgunha zona agora mesmo hai herba (normal para a estación). Ten pequenos treitos por estrada. Coincide con marcas de ruta BTT e outras pero é útil levar GPS (aínda que o meu fallou pero o trazado pode seguirse sen problema).
O desnivel é bastante asumible por case calquera persoa, aínda que a baixada cara o Arnoia pode ser algo dificultosa para segundo quen.
Polo menos na entrada de Queiroás da Igrexa hai unha fonte de auga, ignórase se tratada.
Tralo percorrido temos a posibilidade de repor forzas na vila alaricana. Sendo domingo, hai polbeiras e polbeiros en distintos puntos. Tamén é delito non probar algún dos doces que nos ofrecen as pastelarías! ;-)
Comeza na zona deportiva, a carón da estrada OU-300. Aquí hai lugar onde estacionar. diríxese río abaixo e case inmediatamente crúzase por unha pontella con chan de madeira. Séguese a corrente do río para ao cabo de pouco máis dun quilómetro comezar a subir cara as aldeas de A Orraca, e os distintos Queiroás: Queiroás da Igrexa, Requeixo de Queiroás, e Queiroás Grande. En Queiroás da Igrexa convén deterse a observar o propio templo, San Breixo, de construción románica (séculos XII-XIII) pero cun (horrible) engadido posterior. Nestas aldeas podemos ver fermosas casas rehabilitadas con gusto e outras en triste abandono. Tamén atraen a atención uns cantos cabaceiros en distinto estado de conservación.
Seguen unha parte de baixada ata a beira do Arnoia, onde atopamos un vello muíño xa cuberto pola maleza, mais aínda en pé. Crúzase por unha pontella de pedra de moi boa factura e retórnase ao punto de comezo pola beira esquerda do río (dereita segundo camiñamos).
A ruta ten bastante sombra pois atravésanse carballeiras e zona de ribeira. A vexetación nesta época está espectacular. Os camiños están limpos aínda que nalgunha zona agora mesmo hai herba (normal para a estación). Ten pequenos treitos por estrada. Coincide con marcas de ruta BTT e outras pero é útil levar GPS (aínda que o meu fallou pero o trazado pode seguirse sen problema).
O desnivel é bastante asumible por case calquera persoa, aínda que a baixada cara o Arnoia pode ser algo dificultosa para segundo quen.
Polo menos na entrada de Queiroás da Igrexa hai unha fonte de auga, ignórase se tratada.
Tralo percorrido temos a posibilidade de repor forzas na vila alaricana. Sendo domingo, hai polbeiras e polbeiros en distintos puntos. Tamén é delito non probar algún dos doces que nos ofrecen as pastelarías! ;-)
Waypoints
Bridge
1,383 ft
Pontella do Briñal
Nunha riada de febreiro de 2019 a parte centra desta pontella foi levada polo río. Tralos estúpidos procesos burocráticos, só será en xullo de 2020 que foi reparada. Entón apareceu unha inscrición nunha pedra e foi colocada na posición actual, "boca arriba". A transcrición, feita por Antonio Blanco Rodríguez, aparece nunha das fotos que acompaño, xunto con datos da procedencia.
You can add a comment or review this trail
Comments