ALOÑA-AIZGORRI ZEHARKATZEN
near Uribarri, País Vasco (España)
Viewed 26 times, downloaded 1 times
Trail photos
Itinerary description
Waypoints
URTIAGAIN (APARKALEKUA)
Aloñara doan ohiko bidea hartuko dugu. Hasiera hasieratik hasiko gara gra, desnibela gainditzen. Lasai hartu bihotza eta birikak ondo egokitu arte.
URTIAGAIN-URTEAGAGAIN
Lehendabiziko aldaparekin batera, lehendabiziko artzain txabolak. Pista jarraituko dugu, baina 200 bat metrora, bera lagata, ezker aldera joko dugu Belar aldera.
BELAR
Lehendabiziko aldapa gaindituta, aterpe, txabola eta belardia izango ditugu bidelagun Aloña edo Gogormendi gaineraino.
BELAR (TXABOLA)
Euria egingo balu, aterpe polita. Hemendik gora gutxi geratzen da Aloñako gurutzea edo gailurra iristeko, baina aldapa handitzen joango da. Hortik datorkio malda honi ere Gogormendi!!!
ALOÑA-GOGORMENDI (1320)
AloñaKO gurutzean edo Gogormendin gaudela, helburua da Butreaitz aldera joatea, zelaia zeharkatuz.
BOTREAITZ-BUTREAITZ (1321)
Butreaitzen gaudela, aurrez-aurre dugu hurrengo helburua: Akaitz. Hala ere, leporaino jaitsiko gara. Kontuz ibili jaitsieran, 100 metro pasatxo jaitsiko garelako, eta kareharria da ingurua.
AKAITZ (1324)
Aldapa gogorra igo behar izan dugu (100 bat metro desnibela), baina hemendik Biozkornia leporaino lasaiago ibiliko gara. Zeharkaldi polita da bertaraino.
BIOZKORNIA LEPOA (1195)
Biozkornian gaudela, hurrengo helburua Artzanburura igotzea izango da. 200 bat metroko desnibela dugu aurrean. Lasai hartu.
ARTZANBURU (1365)
Artzanburuko igoera gogorra bada ere, hemendik aurrera Arbelaitzeko leporaino izango dugun zeharkaldia (belardia nagusia dena) oso atsegina egingo zaigu.
ARBELAITZ (1513)
Arbelaitzera egin beharreko igoera bat batekoa da, eta desnibel handia gainditu beharra dago Andreaitzeko lepotik hasita. Dagoeneko, gainera, ordu eta kilometro batzuk badaramatzagu gainean! Arbelaitzetik Iraulera joango gara. Esan genezake berau dela zeharkaldi teknikoena eta arriskutsuena. Lasai hartu eta kontuz ibili, nahiz eta bidea agerikoa izan.
IRAULE (1526)
Iraule gainetik ondoren datozen gailurrak ikusten dira: Aketegi (garai batean Aitzuri ere zena) eta ondoren Aketegi erpiña. Lehena da, baina, EAEko gailurra (1551).
AKETEGI (1551)
Garai batean Aitzuri zena, orain Aketegi da. Aurrez aurre, berriz, Aketegi erpiña. EAEko mendi edo gailurrik altuenak dira.
AKETEGI ERPINA (1549)
Aketegitik dagoeneko ikusten da Aizgorri gaina. Bertan emango diogu bukaera gainez gaineko ibilerari. Bertatik Oltzara jaitsiko gara.
AITZGORRI (1528)
Aitzgorri ez da mendi altuena, bai, ostera, bisitatuena. Hemendik, San Adrian aldera doan bidea hartuko dugu. Beharantz hasita kontuz ibiliko gara, izan ere iritsiko da momentua San Adrianera doan bidea laga eta Oltzara doana hartu beharko dugulako. Seinaleekin erne!
OLTZA
Oltza zeharkatzen hasiko gara. Berehala bat egingo dugu Aizgorriko maratoiandako egindako seinale edo puntu horiekin. Seinaleak jarraituko ditugu Urbiraino.
OLTZA
Hementxe okertuko gara eskuma aldera, eta seinaleak jarraituz iritsiko gara Urbiraino. Aurretik, inguru politak zeharkatuko ditugu.
URBIA (1100)
Jabe berriekin zabaldu da berriro Urbiako ostatua. Bertan ere iturri ederra dugu. Hemendik, berriz, ohiko bidea erabiliz, Arantzazura jaitsiko gara.
URBIARA
Aparkalekuaz gain, Urbiako ostatuaren zerbitzua adierazten ere karteltxoa irakurri ahal izango dugu.
ARANTZAZU (BUKAERA)
Geldiunerako tokia, ezinbestean: Aizgorri-Aratz parketxea, santutegia, Oteitza, Txillida, Bazterretxea, Pello Zabala ... Hemen bukatzen da ibilbidea. Hala ere, gu geuk, kotxea Urtiagainen laga dugunez, beste bost bat kilometro (ordubete exkas) dugu aurretik, errepidetik.
You can add a comment or review this trail
Comments