Andada por Queiroás
near Allariz, Galicia (España)
Viewed 692 times, downloaded 13 times
Trail photos
Itinerary description
San Breixo de Queiroás é unha das 16 parroquias do concello de Allariz. Conta cunha escasa poboación -248 habitantes no 2018- que vai minguando paulatinamente e nesta freguesía celébrase a festa etnográfica que recolle todo o ciclo do pan, lembrando os tempos no que as xentes destas aldeas desprazábanse as segas en Castela. A primeira parte do festexo é a seitura, é dicir a recolleita do centeo, ao que segue uns días máis tarde a malla para separar o gran da palla e coma última fase ten lugar a festa da moenda e a fornada do pan.
O noso roteiro comeza ao carón do museo do coiro, no centro de Allariz, e segue pola beira dereita do río Arnoia polo carreiro de pescadores. Logo dun chisco máis de un quilómetro afastámonos do río para coller a dereita por unha corredoira -que logo anchea- que sube por unha carballeira.
Deixamos atrás a aldea de Outeiro de Orraca e acadamos Queiroás da Igrexa onde érguese o templo parroquial de San Breixo, Verísimo en castelán. Esta edificación está datada entre os séculos XII e XIII, de estilo románico con importantes reformas. Ao seu carón está a casa reitoral nun mal estado de conservación.
Avanzamos entre praderías ata outro núcleo poboacional, Requeixo de Queiroás e dende aquí a Queiroás Grande. A partir desta aldea a andaina será por congostras baixo carballeiras que nos levan novamente as marxes do Arnoia. Ao chegar aos muíños andamos a contracorrente pisando un chisco do percorrido xa feito antes -o pontón que nos permitía pasar ao outro lado do río foi derruído polas crecidas- e ao chegar a seguinte pontella cruzámola.
Compretamos o recorrido pasando polo antigo muíño de Acea da Costa, o muíño do Burato e a ponte románica para situarnos finalmente no punto de inicio.
O noso roteiro comeza ao carón do museo do coiro, no centro de Allariz, e segue pola beira dereita do río Arnoia polo carreiro de pescadores. Logo dun chisco máis de un quilómetro afastámonos do río para coller a dereita por unha corredoira -que logo anchea- que sube por unha carballeira.
Deixamos atrás a aldea de Outeiro de Orraca e acadamos Queiroás da Igrexa onde érguese o templo parroquial de San Breixo, Verísimo en castelán. Esta edificación está datada entre os séculos XII e XIII, de estilo románico con importantes reformas. Ao seu carón está a casa reitoral nun mal estado de conservación.
Avanzamos entre praderías ata outro núcleo poboacional, Requeixo de Queiroás e dende aquí a Queiroás Grande. A partir desta aldea a andaina será por congostras baixo carballeiras que nos levan novamente as marxes do Arnoia. Ao chegar aos muíños andamos a contracorrente pisando un chisco do percorrido xa feito antes -o pontón que nos permitía pasar ao outro lado do río foi derruído polas crecidas- e ao chegar a seguinte pontella cruzámola.
Compretamos o recorrido pasando polo antigo muíño de Acea da Costa, o muíño do Burato e a ponte románica para situarnos finalmente no punto de inicio.
Waypoints
Religious site
1,439 ft
Igrexa de Santiago
Templo erguido entre os séculos XI e XIII en estilo románico.
You can add a comment or review this trail
Comments