Andaina das cinco parroquias: Viñós, Brandeso, Branzá, Dombodán, Tronceda.

Comenzamos xunto o local social de Viñós. Subimos polo camino das canteiras cara o Ventorrillo, e logo de pasar por Covas, baixamos cara o Muiño de Roque. Teremos unhas bonitas vistas de Maroxo, mentras oímos a auga que cae da presa de Roque. Avanzamos e seguimos de frente para chegar a Garmalla, aldea de Brandeso. Antes de chegar a aldea giramos bruscamente a esquerda, para afrontar unha corta, pero dura subida a Carballeira.
Aquí bordearemos unha preciosa plantación de castaños e carballos. Na curva das Virtas, collemos un camiño a esquerda que nos levará moi cerca do rego da Cheda, pero antes viramos a direita por unha bonita pista, que logo de deleitarnos cuns prados de foto, nos levará a Bustelo (Brandeso). Aquí seguimos de frente, ata chegar a carretera de Arzúa-Vila de Cruces. Cruzamos a mesma e seguimos de frente, por unha pista de terra, que nos levará cerca de Carral (Branzá). Antes giramos a esquerda e agora a pista nos leva cerca de Igrexa de Santa Leocadia de Branzá. Logo baixaremos ata a granxa avícola de Lucas, volvemos cruzar a carretera general e entramos no monte de Viso(Dombodán).
Aquí, baixamos por debaixo da línea de alta tensión, e teremos unhas vistas simplemente únicas. Vermos o encoro de Portodemouros dende unha altura, que o fan fermosisímo, vemos a canteira e si temos un pouco de paciencia, ata podremos ver o Ferry. O acabar de baixar, pasaremos por Trasmonte (Dombodán), e logo dun tramo de asfalto, damos cos nosos osos na parroquia de Tronceda. Pasamos xunto a Igrexa e baixamos ata Os Muiños (Viñós). Subimos polo camiño cara a Senxe. O chegar a aldea da Sesa, temos unha bonita vista da aldea da Igresia (Viñós), co pantano de fondo. E xa en nada, pasamos por Ouris, torcemos a direita e chegamos a Igresia parroquial e local social de Viñós. Teremos completada a andaina, logo de percorrer polos camiñós de cinco parroquias, do sur do Concello de Arzúa.