ANTZUOLA GAINEZ GAIN (II)

Download

Trail photos

Author

Iñigo Ramirez de Okariz Telleria

6,278 410 4903

See more trails from this author

Trail stats

Distance: 14.49 mi
Elevation gain: 4,147 ft
Technical difficulty: Moderate
Elevation loss: 4,147 ft
Max elevation: 2,961 ft
TrailRank: 49
Min elevation: 2,961 ft
Trail type: Loop

Moving time: 4 hours 37 minutes
Time: 4 hours 50 minutes
Coordinates: 4027
Uploaded: September 3, 2022
Recorded: September 2022

Be the first to clap

near Ibarra, País Vasco (España)

Viewed 55 times, downloaded 7 times

Trail photos

Itinerary description

"Antzuola gainez gain" ibilbidearen bigarren etapa dugu hau. Irimoegigoena eta barrena auzoetan ibiliko gara, bertako mendi gainak, basoak eta giza aztarnak ezagutzen. Gure hasiera Ibarre auzoa izango da, eta Irimo aldera jotea da helburu, Ogeiturri eta Trekutzetik pasatuz. Irimo gainera iritsi aurretik Deskarga aldera jaitsiko gara, Arrolamendira igoz. Arrolamenditik Korosora, eta Korosotik Landarraitz gainera. Gain guztiak zapaldu ondoren, Azaldegietatik, herrigunera jaitsiko gara Urkillu eta Irigain aldetik. Ez du zailtasunik ibiltzeko, egin beharreko kilometroak eta gainditu beharreko desnibela ez bada.

Waypoints

IBARRE AUZOA

Ibarre auzoan dagoen seinale honetatik hasiko dugu ibilbidea, errepidea jarraituz eta Aitzaga baserrira joateko asmoz.

AITZAGA

Baserri hau eraberrituta baldin badago ere, bere ateburuko ohol egitura, harlanduzko koloma eta guzti, Iriarteazpikoaren antzera, XVII. mendean koka daiteke. Badago herrian beste Aitzaga bat, Aitzagabasalde, eta gaur desagertuta dago. Baserritik gora, Kaxeta aldera joango gara.

KAXETA (BIDEGURUTZEA)

Kaxeta gainean dago Ogeiturri eta Pagamendira doan bidegurutzea. Bertan dago seinalea ere. Kaxeta izena 1971eko otsailean desagertutako "Los Vasconcados" trenaren trenbideaz arduratzen zen familia eta etxeari datorkio.

OGEITURRI

Inguru urtsua eta iturri askotarikoa. Hortik datorkio izena inguru honi. Gora jarraituko dugu.

PAGAMENDI (BIDEGURUTZEA)

Pagamendi gaudela, gorako bidea hartuko dugu, Astobiagagaiñera.

ASTOBIAGAGAÑA (MINTEGIA)

Eskualdeko mintegian gaude. Bertatik inguruko mendiak ikusteko behatoki aparta. Hemendik Trekutzera joango gara.

MEAKA (BIDEGURUTZEA)

Meaka izeneko lepoan gaude. Bidegurutze honetan bidetzurra hartuko dugu Trekutz eta Gaztelugain aldera.

TREKUTZ-GAZTELUGAIN

Trekutzen gaude. Gaintxo batean, berriz, Gaztelugain elkartea eta garai bateko tumulua. Ura hartzea komeni da, ez dugu izango Arrola edo Irikortaraino eta. Hemendik, Irimo gainera doan bidea hartuko dugu, eta herriko mugarriak pasatuko ditugu.

TRINTXULEKU MUGARRIA (MUGARRISAKON)

Trintxuleku mugarria (A7) antzuolarrentzat, Mugarrisakon Urretxuko herriarentzat.

URKAORIGARAIKOA MUGARRIA (A6) (TRINTXULEKU)

Antzuolarentzat 6. mugarria den honetan (Trintxuleku Urretxurentzat), behera jaitsiko gara, Bastanixtazabal lepoan dagoen harrizko seinaleraino.

BASTANIXTAZABAL LEPOA

Hemen kontuz ibilko gara, izan ere Irimo gainera doan bidea lagako dugu, eta jaisten hasiko gara, Trekutzetik Irimo gainera datorren bidearekin bat egin arte.

IRIMO BIDEA

Trekutzetik zein Santa Barbaratik Irimo gainera doan mendi pista hau jarraituko dugu zati batean, Arkaitzeta izeneko harrizko seinalizazioraino.

ARKAITZETA

Irimora doan pista lagata (bertatik jarraituz gero santa Barbaraino joango ginateke), Trekutzera doan pista hartuko dugu Kateagaraino.

KATEAGA

Bidegurutzea da inguru hau. Guk Santa Barbara doan bidea hartuko dugu, Trekutzera doana alde batera lagaz.

MENDISORO

Santa Barbara doan bidea alde batera lagata, Trekutzera edo Deskarga gainera doan bidea hartuko dugu.

LUBERRIETA

Bat egiten dugu Deskargatik Trekutzera doan pistarekin. Gure helburua Deskarga mendatera joatea da. Beraz, jaisten jarraituko dugu.

DESKARGA MENDATEA (ERREPIDEA)

Mendate honetan aurkituko dugu Urretxu, Legazpi eta Antzuola udalerrien mugarri bateratua. Hala ere, Urretxu eta Antzuolako udalerrientzat 1 zenbakia bada ere, Legazpirentzat 13 zenbakia da. Kontuz zeharkatuko dugu bidea, eta bertan gora hasten den pista hartuko dugu ... pasatuko dugu beste hegalera, Arrola aldera. Beraz, erne ibili, oraindik ere kotxeak-eta dabiltzalako bidean, eta berriro gorako bidea hartuko dugu, higadura handia izan duen bidea hartuz. Ondoren, mendi pista bat jarraituz joango gara Ardanbidetara edo Lakiriola aldera.

ARDANBIDETA (LAKIRIOLA) MUGARRIA (A 59)

Legazpiko udalerriarekin bat egiten dugu. Aurrean Lakirolako elkartea. Hemendik Arrola aldera joango gara eta bidean tumuluren bat, hilarri bat ... eta Arrolak Jentilaitzen landatutako zuhaitzak ere ikusteko aukera izango dugu.

HILARRIA

Julian Lizaurrek jazotako heriotza aipatzen digu hilarri honek. Urretxu nahiz Zumarragako merkatuetatik etxera zihoala, astotik jausi eta bertan hilda aurkitu zuten 18 urte eta 8 hilabete zituen gazteak. Elurpean hil omen zen. 1910eko apirilaren 10a zen.

ARROLAMENDI II TUMULUA

Arrolamendi III alde batera utzi dugu, bidetik zertxobait aparte gelditzen delako, baina Arrolamendi II baleko da ikusteko zer nolakoak diren tumuluak edo harri pilak. Arrolako bidean topo egingo dugu monumentu megalitiko honekin. Tumulua da bertan ikusten duguna, garai bateko artzainek euren urteroko transhumantzia garaian eginikoa. Ez da bakarra gure udalerrian, beste hiru bat ere badauzkagulako: Arrolamendi (I), Arrolamendi (III) eta Trekutz. Trekutzkoa kenduta, apurtuta dagoelako, 137/2003 DEKRETUA, ekainaren 24koa, Gipuzkoako Lurralde Historikoan dauden zerrendatu diren Estazio Megalitikoak Monumentu Multzo izendapenaz, Kultura Ondasun gisa deklaratzeko eta babes-araudia ezartzeko dena. Arrolamendin aurkitzen diren tumuluen lehendabiziko datuak 1951ekoak dira, eta Jesus Elosegik, Aranzadi Zientzia Elkarteko kideak, aurkituta. Aztarna hauek induskatu edo eskabatzea 1962an erabaki zen, eta hauek 1963 eta 1964an egin ziren Altuna, Apellaniz eta Rodrigez Ondarra jaunei esker. Trekutzekoa, ostera, 1921ean aurkitu omen zuen Joxemiel Barandiaranek, eta ez du inoiz indusketarik izan. Behin ikusita, gora jarraituko dugu. Goazen gora.

JENTILAITZ (MINTEGIA)

Arrolaren sorreraren 50. urteurreneko ospakizunen baitan antolatu dute gaurko zuhaitz eguna eta landaketa. 51 haritz eta pago landatu dituzte Jentilaitz izeneko herriko lur sailean, 50 zuhaitz iragana irudikatuz eta beste bat etorkizuna adierazteko (2022/03/13). Behin ikuskatuta eremua, eskuma aldera joko dugu, Arrola gainera hartuz.

ARROLA-IRIKORTA (907)

Arrola (Legazpia) Irikorta (Antzuola) izan daiteke agian zuzenena. Gainetik Irikortako iturrira jaitsiko gara. Antzuolaren 54. mugarria ere bertan dakusagu.

IRIKORTA ITURRIA

1988ko urrian 22an bukatu zen obra, baina ez guztia. Abenduaren 20an inoxidablea zen galtzairuzko seinalea jartzeko, eta baita antosiña ere, erabaki zen, eta 1989ko urtarrilaren 3an iturriaren norabidea adierazten zuen plaka jarri zen Arrola gainean. Agorraldi handienetan ere -2022koa- ura dario. Bitxiena da ia mendi gainean dagoela eta ura dariola. Arrola Mendizale Elkarteak berreskuratutakoa da. Hemendik Arranoaitzera joango gara, Arrolamendi I tumulotik pasatuz.

ARROLAMENDI I TUMULUA

Arranoaitzeko bidean, Juan Perez korta sakonean, beste monumentu megalitiko hau aurkituko dugu. Arrolamendin aurkitzen diren tumuluen lehendabiziko datuak 1951ekoak dira, eta Jesus Elosegik, Aranzadi Zientzia Elkarteko kideak, aurkituta. Aztarna hauek induskatu edo eskabatzea 1962an erabaki zen, eta hauek 1963 eta 1964an egin ziren Altuna, Apellaniz eta Rodrigez Ondarra jaunei esker. Antzuola eta Legazpiko udalerriek partekatzen dute mugarria hau: 53 zenbakiduna Antzuolarentzat eta 2 Legazpiarentzat. Joan gaitezen Arranoaitzera.

ARRANOAITZ (895)

Arranoiatzen daukan berezitasunetako bat da Oñati, Legazpi eta Antzuolako udalerriek bat egiten dutela puntu honetan, mugarria partekatuz. Oñatiarentzat 20 zenbakiduna; Legazpiarentzat 1 zenbakiduna eta, Antzuolarentzat, 52. Hemendik, behera joko dugu, Argileku eta Koroso aldera. Kontuz jatsierarekin, harri koxkor solte asko daudelako, eta hainbatetan labankor.

ARGILEKU

1929an eraikitako txabola da. Berez Oñatiko udalerrian dago. 1972an sortu zen ofizialki Arrola Mendizale Elkartea, eta harrez geroztik ari da urtarrilaren batean urte berriari ongi etorria ematen Arrola-Koroso aldera etortzen diren mendizale guztiei, salda beroa eta txistorra eskainiz. Lehendabizi Argilekuko txabolan, ondoren, baina, Lizargarateko aterpe eta elkartetik. Hemendik, Korosoko lepora jatsiko gara, ondoren Antzuolako bidea hartzeko.

KOROSO

Koroson aukera dago Antzuolara jaisteko, Oñatiko bidea jarraituz. Bertan dago seinalea. Korosoko lepoan bat egingo dugu udalerriko 49. mugarriarekin eta Oñatiko 17.arekin. Garai batean Arrolaren mendi ospakizun askoren ingurua. joko dugu, Korosomuño gainera.

KOROSOMUÑO (781)

Gain ezezaguna da berau, baina bertan dago Antzuolaren 47. mugarria. Lizargarate aldera jaitsiko gara.

LIZARGATATE

Oñatin dago, baina gertu dago herriko 46. mugarria ere. bertan ospatzen du Arrolak urte berriaren hasiera, datorrenei salda eta txorizoa eskainiz. Landarraitz aldera goaz.

LANDARRAITZ (825)

Behatoki aparta du gain honek, Aizgorri eta Durangaldeko gainetara batez ere. Herriko mugarri berri bat ere dakusagu, 43.a. jaisten hasiko gara. Helburua, Azaldegieta.

AZALDEGIETA

Bertan iturri dugu, eta baita herrigunera doan mendi pista ere.

IBULARGAÑEKO BASERRIA

1841ekoa da baserri honen lehen aipamena. 1924tik aurrera hutsik dago. Gaur, lurra jota dago antzuolar asakorentzat ezezaguna den baserri hau.

IBULARAZPIKO BASERRIA

1841ekoa da baserri honen lehen aipamena. 1924tik aurrera hutsik dago. Gaur, lurra jota dago antzuolar asakorentzat ezezaguna den baserri hau.

URKIOLAEGI (BIDEGURUTZEA)

Bidegurutze honetan hasten da Arrandari (Ozaeta eta Torre) baserrietatik datorren porlanezko bidea. Guk berau jarraituko dugu herrigunera.

URKILLU

Korosora doan bidearen hasiera. Garai batean Oñatiko bidea bezala ere ezagutua.

IGIRAINGO ITURRIA

1941ean egindako iturriari ez dario urik.

IRIARTEGAÑEKOA

XVI-XVIII. mendeko aztarnak dituen baserri ederra, behatoki aparta Antigua eta Irimoegigoiena auzoak ikusteko. Kontuz, beherago, errepidea zeharkatu behar dugulako.