ANTZUOLA-MUEZ ZEHARKALDIA: ANTZUOLA-URBIA (LEHEN ETAPA)

Download

Trail photos

Photo ofANTZUOLA-MUEZ ZEHARKALDIA: ANTZUOLA-URBIA (LEHEN ETAPA)

Author

Iñigo Ramirez de Okariz Telleria

6,254 409 4878

See more trails from this author

Trail stats

Distance: 13 mi
Elevation gain: 5,587 ft
Technical difficulty: Moderate
Elevation loss: 2,648 ft
Max elevation: 4,163 ft
TrailRank: 31
Min elevation: 784 ft
Trail type: One Way

Coordinates: 394
Uploaded: January 6, 2023

Be the first to clap

near Ibarrondo, País Vasco (España)

Viewed 30 times, downloaded 0 times

Trail photos

Itinerary description

Helburua da, Antzuolatik hasita, Gesalazen dagoen Muez (Nafarroa) herriburua elkartzea. Horretarako lau etapa aurreikusten dira: 1) Antzuola-Urbia. 2) Urbia-Altsasu. 3) Altsasu-Lizarragako mendatea. 4) Lizarragako mendatea-Muez.
Lehen etapa honetan, 6 bat ordutan egindakoa, Antzuolatik Urbiara joan gara, Arrolamendi ingurutik (Arranoaitzetik) Gorostiagara pasatuz eta, hemendik, Udanako mendatera jaitsiz. Ondoren, Biozkornia lepora igo gara. Aldapa handiena pasatuta, Urbiara jaitsi gara. (Aukera dago, nola ez, Arantzazura jaisteko eta bertan ibilbidea ere bukatzeko)

Waypoints

URKILLU

Antzuolako herrigunetik Korosora doan bidea hartuko dugu, eta Igiraindik Urkilluko bidegurutzera iritsiko gara. Bertan dagoen seinalea (Koroso, Lizargarate, Arrola) hartuko dugu gora. Bide honi "Oñatiko bidea" ere esaten zitzaion, izan ere Korosotik Oñatira zihoan.

KOROSO

Koroso gainean gaudela, hurrengo helburua Arranoaitzera igotzea izango da. Lasai hartu beharrekoa, aldapatsua baita.

ARRANOAITZ

Gain honetatik (Antzuola, Oñati eta Legazpiko mugarria ere bertan da) Gorostiaga mendira jarraituko dugun bidea antzematen da. Gainez gain Oregi eta Jentiletxe izeneko mendi gainetatik ere pasatuko gara. Bidea erraz antzematen da.

GOROSTIAGA (LEGAZPIKO GURUTZEA)

Legazpiko gurutzea bezala ere ezagutzen da. Hemen, ordea, kontuz ibiliko gara, jaisten hasi orduko bidetzurra hartuko dugulako, eta ondoren erreferentzia gabeko eremu batean ere sartuko garelako. Gure urrutiko erreferentzia txabola edo borda batzuk dira.

LIZARMENDILEPOA

Gorostiagatik Udanara doan bidea luzea da, baina bidea antzematen da nondik nora den, eta tartean bordak ere ikusiko ditugu.

UDANA MENDATEA

Udana mendatera iristen garenean Legazpi-Oñati errepidea zeharkatu behar dugu. Udanako mendatea Gipuzkoako hego-mendebaldean kokatuta dago eta Oñati eta Legazpi udalerriak lotzen ditu GI-2630 herri errepidearen bidez. Kontuz! Mendebaldean Olabarrieta auzo oñatiarra eta ekialdean Telleriarte eta Brinkola legazpiarrak ditu. 514 metroko altuera dauka.

GR 34.1

Udanatik Biozkorniara, pistatik jarraituko dugu.

BIDEGURUTZEA (GR 120)

Barrendiolatik datorren bidearekin ere bat egingo dugu, eta gora jarrituko dugu, Biozkornia aldera. Hemendik aurrera aldapa ederrak bezain gogorrak hasiko zaizkigu.

JANDOAIN: TXABOLAK ETA ITURRIA

Jandoain izeneko eremuan borda ugariekin topo egingo dugu, baita, agortuta ez badago behintzat, iturri batekin ere. Hemendik, berriro aldapa gora joko dugu.

KATABERAKO MINAK

Biozkorniara iritsi aurretik, Kataberako meatokitik pasatuko gara. antzinako meategia da, "Real Cía. Asturiana de Minas" konpainia asturiarrak 1872an sortua, XIX. mendearen azken hamarkadetan. 60 urte baino gehiagotan zehar materiala ustiatu zuten, 1935ean bertan behera utzi zuten arte. Blenda, galena eta kalamina izan ziren ateratako mineralak. Kalamina txirrikan Udanako mendateraino garraiatu eta bertan zeuden labe edo karobietan egosten zuten. Azkenik, gurdiz Norteko burdinbidearen Brinkolako geltokira eramaten zuten, eta hortik trenez Errenteriako Kaputxino penintsulan zegoen "Real Fábrica Asturiana de Minas" lantegiraino. Blenda eta galena, bestela, Kataberan bertan garbitu ondoren, Udanara eramaten zituzten. Behatoki aparta da. Bertan ikusiko dugu nondik gatozen (Koroso, Arranoaitz, Gorostiaga, Udana). Gertu dugu Biozkornia.

BIOZKORNIA LEPOA

Bidegurutze aparta, besteak beste Arantzazura joateko, baina guk zuzen eta gora joko dugu, Urbia aldera. Dagoeneko gertu dugu Urbia!!!

BIDEGURUTZEA

Durutik Arantzazura jaisteko bidegurutzea ere bada; baita Artzanburu aldera joateko ere. Gu, berriz, zuzen, bidetik, Urbia aldera.

URBIA (OSTATUA)

Enaitz gailurraren azpitik, zelai ederraz dIsfrutatuz, Urbiara iritsiko gara. Hemen bukatzen bada lehendabiziko etapa, bigarrenari ekiteko beste egun bat aukeratu dugu. Beraz, Arantzazura jaitsiko gara. Beste 35/40 bat minutu.

Comments

You can add a comment or review this trail