Apario, Mandoia, Upo eta Artanda. Bediatik Arrigorriagara

Zeharkaldia, Bedian hasi eta Arrigorriagan amaitzen da.
(Arrigorriagatik Bediara garraio publikoan, egin daiteke: A3641 busa Basaurira eta hemen E1/E4, trenez).
Helburua da, Euskal Herriko 100 mendi zerrendetako Apario, Mandoia, Upo eta Artanda, igotzea da.
KONTUZ! Mandoiako igoera ez da ona izan. Beherago irakurri, ibilaldia egiten hasi aurretik.
Bediatik abiatu, zubia pasa eta eskuinera hartu Barroeta auzo aldera. Auzoa pasa eta ezkerrera, goraka jarraituko dugu hormigoizko pistan.
Hormigoia amaitzean, eskuinera hartu eta hegoaldera jarraitu pistan; tarteka, puntu urdin eta laranjaz pintatutako zutointxoak lurrean, lagun ditugula.
Berriz hormigoira ateratzean, bidegurutzea; gero hona itzuli; ezkerrera hartu, aterpe giltzatua. Gora hartu. Bide zabala amaitzean ataka. Ezkerrera hartu bidezidorra. Apario, buzoia, (403m; 1h 20min). Esan beharra dago, hau dela Apario menditik gelditzen den punta, harrobiak jan bait zuen punturik altuena.
Bide berdinetik itzuli bidegurutzera. Pista nagusian jarraitu.  Beste aterpe bat, hau irekia eta ondoren, pista nagusia utzi eta hasieran paralelo doan beste bat hartu.
Gorago, bidegurutze batean nik eskuinera hartu nuen mapan ikusten nuen bidea jarraitzeko asmoz, baina gaur egun bidea oso-oso itxia dago eta kosta zitzaidan aurrera egitea; beraz, bidegurutzean, ezkerrera jarraitu, gainera ateratzeko.
Behin, gainera aterata, bizkarrean gora doan bide zanpatua segi; Mandoia, buzoi eta hormigoizko oroigarria, (637m; 3h 20min).
Mendebaldera jaisten hasi. PRa jarraitu Zeberio aldera; beherago PR hau utzi eta Upo aldera hartuko dugu. Pista seinaleztatuak jarraituz, Upoko atsedenlekua eta San Segismundo ermita.
Hemendik lepora jaitsi eta Upo igo eta hona itzuli. Igoera hasieran pista da, baina markek berehala adieraziko digute ezkerrera hartzeko; beste atsedenlekua eta pagadi ederra; bertan gora goaz. Upo, buzoia, (567m; 5h).
Bidegurutzera itzuli. Hemen ere gainera atera behar da eta bizkarrean jarraitu bide zabalean. Artanda, buzoi, erpin geodesikoa eta orientazio mahaia. (547m; 6h 05min)
Gainez-gain jarraitu eta zuzen jaisten hasiko gara. Beherago aldapa bertikalagoa jartzen denez, ezkerrera doan pista hartu; luzeagoa da baina erosoagoa eta bustian batez ere seguruagoa. Arrigorriaga bistan daukagu goitik hasita; ez dago galtzerik