ARAIA - ELURZULOAK - ARATZ - ARAIA

Araia, Arabako Lautadan kokatua, Gipuzkoako eta Nafarroako mugetatik gertu, Altzaniako mendizerraren hegoaldean dago.
Arizti eta pagadi berdeak kareharrizko horma malkartsuekin nahasten diren leku zoragarri honetan Aratz mendia nabarmentzen da guztiz.
Mendi liluragarri honek aukera desberdinak eskaintzen dizkigu gailurrera igotzeko.
Hona hemen horietako bat:
Araiako Ajuria fabrika zaharrean kotxea utzirik "Bagoien bidetik" gora egin dugu San Migel haitzaren albotik pasatuz Iturriotzera heltzeko. Bere ur gozoa probatu eta Azkasaroiko zelai garbira heldu gara. Segidan eta eskumatara eginda, Argorri ingurutik igaroz, Aratz-zelaiko lepora iritsi gara. Hortik aurrera aldapa gogorrak izan ditugu Elurzuloak izeneko gailurrera heltzeko. Mendilerroari jarraituz eta minutu gutxitan Aratz mendia gainditu dugu eta babesa hartu ere haize zurrunbiloetatik libre geratzeko.
Behin hamaiketakoa eginda harritzetatik jaisten hasi eta Aratzarteko lepora ailegatu gara, gero Allartekora eta pistatik behera jarraituz Aiondotik pasa eta Zirautza errekaren iturburuaz gozatu dugu. Erreka ertzetik behera, urjauziak eta osinak behatu ondoren, kilometro bat aurrera egin eta berriz Ajuriako aparkalekura iritsi gara.


1- AJURIA....................................................0 km...................................650 m.
2- BAGOIEN BIDEA.....................................0,4......................................680
3- S. MIGEL LEPOA....................................1,1......................................840
4- ITURRIOTZ.............................................2,7....................................1050
5- AZKOSAROI...........................................3,9.....................................1190
6- ARATZ-ZELAI.........................................4,5.....................................1290
7- ELURZULOAK........................................4,9.....................................1431
8- ARATZ...................................................5,2.....................................1445
9- ARATZARTEKO LEPOA........................5,7.....................................1270
10- ALLARTEKO LEPOA...........................6,5.....................................1150
11- ITURBURUA.......................................10,0.......................................770
X - AJURIA................................................11,5.......................................650