ARKAMO MENDIZERRA (SANTA EULALIA)

Download

Trail photos

Photo ofARKAMO MENDIZERRA (SANTA EULALIA)

Author

Iñigo Ramirez de Okariz Telleria

6,254 409 4878

See more trails from this author

Trail stats

Distance: 14.76 mi
Elevation gain: 3,117 ft
Technical difficulty: Difficult
Elevation loss: 3,117 ft
Max elevation: 3,890 ft
TrailRank: 49
Min elevation: 2,122 ft
Trail type: Loop

Moving time: 5 hours
Time: 5 hours 59 minutes
Coordinates: 4132
Uploaded: November 11, 2022
Recorded: November 2022

Be the first to clap

near Santa Eulalia, País Vasco (España)

Viewed 20 times, downloaded 0 times

Trail photos

Itinerary description

Ondokolanda edo Santa Eulalia Kuartango ibarraren mendebaldean dago, Badabe harana osatzen duten Arkamo eta Gijibo mendilerroen artean. Ibilbidearen helburua Arkamo/Arkamu mendizerra ezagutzea da, bere inguru esanguratsuenetik ibiliz. Hala ere, gainak ez badu ibiltzeko zailtasunik, nahiz eta karst erako eraketekin bat egin (beraz kontuz hankak non jartzen diren) orientatzeko arazoak izan ditugu, pistaren bat edo beste izan ezik, bidetxur ohikorik ezean, norabideak ez dira errazak asmatzea eta. Horrek eraman gaitu GPSa sarri kontsultatzera. Beraz, zaila bezala izendatzen dugu ibilbidea. Hortik kanpo, ingurua oso polita da, basatia hainbatetan, bide zehatz gabekoa, beraz lasai hartu beharra (ibilbide hau, ostera, azkar eginda dago). Haitzuloek, otsoak harrapatzeko hormek, han eta hemengo ikusmirek ... atsegina bihurtzen dute irteera.

Waypoints

SANTA EULALIA

Errepidean hasiko dugu ibilbidea, baina 50 bat metrora bidegurutzea hartuko dugu bertako elizara garamatzan bidea.

BIDEGURUTZEA

Bidea hartuta berehala bat egingo dugu Santa Eulaliako elizarekin.

SANTA EULALIA ELIZA

Berehala errepidea laga eta eskumara hartuko dugu.

BIDEGURUTZEA

Bidea hartuta basora joango gara. Pista jarraituko dugu eta bidean topatzen ditugun harripilak jarraitu.

HARRIPILAK

Bidelagun onak izango dira gaina hartzeko.

HARRIPILAK-ARRISKUA

Izan ere, puntu honetan desorientatzeko arriskua dago (gertatu zitzaigun). Pista laga eta basoan sartzen den bidexkatxo bat (ia ez dena ikusten) hartu behar da gora. Gero bidea zapalduago dago, eta goraino eramango gaitu, oso trazadura bitxia eginez.

BEHATOKIA: SANTA EULALIA

Basoak eskaintzen dituen argiuneak aprobetxatuz, Santa Eulalia ikus daiteke.

PORTILLO DE RISCAMALA

Gainean gaude. Gure helburua, fondoan ikusten den Artazako antena ingurua da. Ez dago biderik, baina mendi ertzetik erraz egin daiteke zeharkaldia. Gainak eskaintzen duen ikusmira zoragarria da.

ARTAZAKO GAINA (ANTENA)

Ondoren, gainetik mendizerra zeharkatzen duen pista hartuko dugu.

BIDEGURUTZEA

Aipatu dugu gainez gain eta mendizerra zeharkatzeko ondo orientatu beharko garela. Beraz, norabide aldaketak ohikoak izango dira.

BIDEGURUTZEA

Ibilbidean zehar lagungarri izango ditugu harripilak orientatzeko.

PICO FRAILE (1111)

Bertatik ondo nabaritzen da mendizerra honen erliebea nolakoa den, nahiz eta pagadiak ere agertu han eta hemen.

PEÑA ALTA (1129)

Gainez gain ari gara.

HARRESI LEHORRA

Goitik behera doan harresi honekin topo egingo dugu, gainetik zeharkatu eta lepora jaisten hasiko gara. Kontuz ibili jatsieran.

OJOS CIEGOS

Kobazulo ezaguna da, baina ez da erraza topatzea. Pinu gorri handi bat da erreferentzia. Bertan sartzeko linterna erabili.

KRUZETA (MUGARRI-HARRIPILA)

Kruzetak, nolabait esanda, bi gain dauzka gertu. Buzoia, baina, azkena da.

KRUZETA (1171)

Gainean gaude. Poliki-poliki jaisten hasiko gara, inguruan dauden harripilak jarraituz. Behean gaudela, "La Molina" izeneko kobazulora joango gara.

LA MOLINA

"La Tuna" eta "La Molina" kobazuloak dira inguru honetan dauden kobazulorik ezagunenak. Guk, baina, "La Molina"tik pasatuko gara. Hemendik irten orduko "Las Coronas" gainera joango gara.

ALTO CORONAS

Arkamo mendizerrak daukan beste gain ezagunetako bat. Hemendik, Repico izenekora joango gara.

REPICO (1184)

RISCO MALO

Gain honetatik Arkamu inguruko azken aurreko gaina igotzera joango gara: Peña Colorada. Paisaia ez da aldatzen ... eta ikusgarria izaten jarraitzen du. Gain honetatik Nerbioiren jaiotza eta Orduñako gainak ikus daitezke. Hemendik guztiz aldatuko dugu norabidea, izan ere helburua da Luna herrira joatea. Beraz, jaitsieran kontuz ibili ondoren, eta belardian, Pico La Colorada zapalduko dugu.

PEÑA COLORADA (1135)

Mendizerraren beste hegal batean gaude. Dagoeneko aurrez aurre dugu haran osoa, eta bertako herriak: Luna, Santa Eulalia, Artxua, Arriano ... Gain honetatik beherako joera du mendiak, baina, hala ere, kontuz ibiliko gara orientatzerakoan eta zapaltzen dugun harkaitzarekin.

BEHATOKIA

Kuartango eskualdearen zati politenetakoa aurrez aurre dugu. Jarrai dezagun behera, gurutze baten bila.

GURUTZEA

Ez dakigu ze arraio egiten duen gurutze honek hemen, baina bada guretzat lekuko on bat, izan ere, ustekabean, mendi honen hegal batetik hasiko gara jaisten Luna herrixka aldera. Antzematen da jaitsierako bidexka... baina erne ibili. Behin lepoan gaudela Luna herrira doan pista hartuko dugu.

LUNA

Gainbeheran dagoen herrixka da, 2021ean 8 bizilagun besterik ez zeuzkan. Bertatik joaten da jendea Nerbioi aldera, izan ere mendi pista dago leporaino. Hemen hartuko dugu asfaltutako errepidea eramango gaituena Artxuara lehenengo eta Santa Eulaliara ondoren.

ARTXUA

Herrixka honetan, 7 pertsona besterik ez dira bizi 2021ean. Inguru honetan dago Arabako altxorretako bat: San Sebastian parrokia-eliza, XIII. eta XIV. mendeen artean eraikia. 2012ko apirilaren 17an Eusko Jaurlaritzak kultura ondasun izendatu zuen, monumentu sailkapenarekin.

SANTA EULALIA

Hamaika bizilagun besterik ez ditu bide ertzean kokatuta dagoen herrixka honek. Gure ibilbide eder honen hasiera eta helmuga da.

Comments

You can add a comment or review this trail