Armintza-Gaztelumendi-Kanpokoarri-Atxebagi-Atxausi-Anparrantxi-Basorda-Armintza

Lemoizko itsaslabarrak naturaguneko ibilbide honek Armintzatik Anparrantxira eramango gaitu. Gaztelumendi, Kanpokoarri, atxebagi, Atxausi eta Anparrantxi itsaslabarretako gainak ezagutzeko aukera emango digu.
Armintzako portutik Gaztelumendira igo gara lehenik eta behin. Handik Armintzakaldera bajatu gara eta Bakiora doan errepidea jarraitu dugu. Segituan ezkerretara topatu dugun lehenengo pista hartu dugu. Seinalizatuta dago. Marka berdeak jarraituz handik gutxira bide gurutze batera heldu gara. Ezkerretara Kanpokoarrira joaten da eskubitara Atxebagira. Kanpokoarrira joan gara lehendabizi eta gero itzuli eta Atxebagirako bidea hartu dugu. Marka berdeak jarraituz ez dago galtzerik. Momentu batean pista utzi eta markak jarraituz Atxebagiko zeharkaldiari ekin diogu. Bidezidorra ondo markatuta dago eta nabarmena da baina oraindik endalar, otea eta sasi asko dago. Ea jende gehiago animatzen den eta Atxebagi zeharkaldi hau garbi mantentzea lortzen dugu, Ikaragarria baita. Bista zoragarriak dira.
Behin Atxebagi pasata, Atxebagi eta Atxausiren arteko lepora irtengo gara. Hemendik Atxausiraino marka berdeak jarraituz bidezidor zoragarri eta garbi batetik joan gara.
Atxausi gaina zoragarria da. Esfortzua merezi du zalantzarik gabe.
Anparrantxirako norabidea markatzen digun seinale bati kasu eginez pista batera jeitsi gara gero.
100 metro aurrerago markak jarraituz utzi dugu pista hau eta nahiko garbi dagoen bidezidor batetik beste pista batera igo gara.
Handik markak jarraituz Anparrantxi goilautadara segituan heldu gara. Talaia ikaragarria da Anparrantxi. Gaztelugatxe aurrean daukagu.
Anparrantxi puntaraino hurbildu gara amildegiko ertza jarraituz.
Hemendik, dauden hitoak jarraituz, Basordara abiatu gara.
Hau da ibilbidearen zati zailena. Markak jarraituz itsaslabarretatik behera bajatu gara kontu handiz, aldapa nahiko bertikala baita.
Errekazulo batera heldu gara eta Basordako itsaslabarretatik gora egin dugu. Hemen nahiz eta bidezidorra ikusgai izan sasi eta endalar asko dago oraindik eta aldatza gogorra dago. Zati laburra da baina. Behin goian Basorda gainean gaude. Zentral nuklearreko portuko muturra ikus dezakegu. Bista bikainak daude hemen.
Handik errepidera igo gara eta errrepidearen albotik jarraitu dugu metro batzuk baina segituan utzi dugu itsaslabarretako ertzera hurbiltzeko handik Basorda Portua ikusteko. Leku zoragarria.
Amaitzeko Errepidera itzuli gara, eta hau zeharkatuta zentral nuklearreko aparkalekuetara iritsi gara. Haiek zeharkatu dugu eta berriz errepidera heldu gara. Berriz zeharkatu dugu eta Anparrantxi goi lautada zeharkatu dugu, oraingo honetan, barnekaldetik doan pista batetik etorri garen bidera heldu arte.
Gero etorri garen bidetik itzuli gara Armintzara.
Ibilbide zoragarria da baina oraindik esan dugun moduan leku batzuetan oraindik bidezidorra itxia eta zikina dago. Beraz pazientzia.
Lemoizko itsaslabarrak gozatu.