Armintza-kauku-Lularri-Etzandarri-Urtzuriaga Kala-Armintza.

Armintzatik abiatu gara GR-123 bizkaiko bira ibilbidea eta Etzandarri mendi taldeak jarritako bide-seinaleak jarraituz.
Kotxe eta motorrei pasoa galerazten dien ateak zeharkatu eta gutxira GR-123 ezkerretara egiten du baina guk goazen pistatik jarraituko dugu inongo desbioa hartu barik Urtzuriaga baserrira arte.
Han Kauku punta, Lularri eta Etzandarri markatzen duen bide-seinale batek markatzen du bidea. Bidea zuzen jarraituz Kauku puntara heldu gara. Han bidea amaitzen da. Buelta egin eta joandako bidetik itzuli gara baina segituan eskumara eta gorantz irtetzen den pista bat hartu dugu (Hito bat dago bertan). Pista hori hartuta metro gutxi batzuk aurrerago beste hito batek, pista utzi eta eskumara hartu behar dugula esaten diģu. Hemendik aurrera hitoak eta marka oriberde batzuk jarraitu dugu eta horrela Lularrira heldu gara. Gailur aparta da. Zoragarria.
Lularri azpian Etzandarriko bidea markatzen duen bide-seinale bat dago eta markatutako bidezidorra jarraituz, Lularri-Etzandarri zeharkaldi zoragarria egin dugu ondoren.
Etzandarrin atsedenaldi txiki bat egin eta eskeintzen dizkigun bista zoragarriekin gozamen ederra hartu dugu.
Handik GR-123 rantz abiatu gara( Bide seinale bat dago Etzandarri gailurrean). Bidezodorra amaitu eta pista batera irten gara eta ezkerrera hartu dugu, Armintzarantz.
Pista hau zuzen jarraituz Urtzuriaga Baserrira heldu gara eta haren albotik irtetzen den bide bat hartuta( hito bat dago) Urtzuriaga kalara joan gara. Hau ere leku paregabea da. Zoragarria. Urtzuriaga errekako urjauzitik Armintzako Flysch beltzara bajatu gara ondoren eta marea behera aprobetxatuz bertatik bueltatu gara Armintzara. Ez dago hitzik esateko zer sentitzen den Flysch beltzaren zeharkaldi hau egiterakoan. Benetan ederra da. Zoragarria.