ARRASATEKO ALTZAIRUA ETA UDALAKO MINERALA: LURGORRI ETA SANTA LUZIA MEATEGIAK

Download

Trail photos

Photo ofARRASATEKO ALTZAIRUA ETA UDALAKO MINERALA: LURGORRI ETA SANTA LUZIA MEATEGIAK

Author

Iñigo Ramirez de Okariz Telleria

6,313 411 4900

See more trails from this author

Trail stats

Distance: 8.82 mi
Elevation gain: 2,421 ft
Technical difficulty: Difficult
Elevation loss: 2,421 ft
Max elevation: 2,627 ft
TrailRank: 49
Min elevation: 1,019 ft
Trail type: Loop

Moving time: 3 hours 34 minutes
Time: 5 hours 25 minutes
Coordinates: 2379
Uploaded: September 30, 2023
Recorded: September 2023

Be the first to clap

near Udala, País Vasco (España)

Viewed 38 times, downloaded 0 times

Trail photos

Itinerary description

Jakin beharko genuke “Arrasateko altzairuari” esker garatu ahal izan zela arma zurien armagintza jarduera garrantzitsua Euskal Herrian. Ospetsuak ziren Toledoko ezpatak ere Arrasateko altzairuarekin egin izan ziren urte askotan, eta ezpata horiek XV. eta XVII. mendeen artean Europako onenentzat jo ziren. Baina hori lortzeko fabrikazio prozesua bezain inportantea zen meatokietako minerala. Ibilbide honen helburua Udalaitzen dauden meategiak ezagutzea da, bitan jarrita helburu: LURGORRI eta GONGETA-SANTA LUZIA lur eremuetan. Ibilbidea zirkularra da, eta ez dagoena homologatuta. Are gehiago, hemen eskaintzen den ibilbidea, Udalatxeko eremu hau ondo ezagutzen duen Jesus Mariri esker osatu dugu, eta egiari zor, ibilbidea ikusgarria da; are ikusgarriagoa berak emandako azalpenengatik. Hori bai, ezkutuan dauden bidexketatik ibiliko gara sarri. Ibilbide hau ere bitan bana daiteke, Udala auzoa erreferentzia bezala hartuta. Beraz, bi eguneko ibilbidea ere bada, hala nahi izanez gero.
-Iturria: https://www.gipuzkoa.eus/eu/web/aintzinako-lanbideak/arrasateko-altzairua
-Ibilbide honen gida izan dugun Jesus Mari Zuazubiskar 'Txosa'ri eskerrik asko.

Waypoints

UDALA AUZOA

Udala auzotik irtengo gara. Helburua Kanpatzar aldera jotzea da, eta horretarako behera joko dugu, hainbatetan garai bateko erregebidea aprobetxatuz. Hala, Salturri izeneko baserriraino iritsiko gara.

BIDEGURUTZEA

Ezker aldera hartuko dugu, Salturri baserrira.

SALTURRI

Oraindik bizirik diraute meategien ustiakuntzarekin loturiko baserri adierazgarrienak. Zaharrenetariko bat Salturri da. Leiho bikoitz bat du eta arku zorrotzek Erdi Aroko eraikuntza dela adierazten dute. Baserritik gertu dugu, berriz, Zapatei koba.

ZAPATEI KOBA

Lehendabiziko meategi honek zer esana eman zuen bertako zuloetatik ateratako zaborrengatik. Euskal Espeleologia Elkargoak (EEE), Aloña Mendi Espeleologia Taldeak (AMET) eta Besaide Mendizale Elkarteak Zapatei kobaren garbiketan ibili ziren. (Iturria: https://euskalespeleo.com/zapateiko-garbiketa-arrasate/). Hemendik, Kanpatzar aldera goaz.

KANPATZAR-ARRASATE ERREPIDEA

Errepidea alde batera laga, eta GRa jarraituz, Kanpatzar aldera igoko gara, bertako harrobira arte.

KANPATZAR HARROBIA

Bertatik hasten da Udalaitzera doan bidea, eta guk artadia pasatu arte jarraituko duguna. Aldapatsua da, eta sarri labankorra. Lasai hartu

HEGOMENDI (ERNE!)

Artadia pasatuta, aurrez aurre dugu Udalaitz. Hemen, baina, gailurrera doan bidexka laga eta ezker aldera joko dugu, berriro artadian sartuz. Noizbehinka margo gorriek edo harripilek, edo bidexkek adierazten digute zein den norabidea Lurgorrira joateko. Lasai hartu, bidea hainbatetan traketsa delako.

LURGORRI MINAK

Harrigarria eta ikusgarria da ingurua. Harrigarria meatz honen kokapenarengatik, Udalaitzeko hegal batean, ezkutuan, aurkitzen delako; eta ikusgarria ustiapenak eskainitako egiturak bereziak direlako. Hemendik, bidexka jarraituko dugu, behera eta aldi berean zeharka; izan ere Meatzerreka auzo inguru hau lagata Udala auzora goazelako berriro.

MUGARRIA-ARTADIA (ABARITZA)

Ohituta gaude zutiko mugarriak ikustera, baina ez harkaitzean margotutakoak. Bertan ba omen daude estilo honetako batzuk. Artadian jarraitzen dugu. Mendebaldeko maldan dago artadia, Besaidetik Kanpanzarreraino. Artea (Quercus ilex) da zuhaitz nagusia baso horretan, baina beste zenbait zuhaixkak ere laguntzen diote: gartxuak, erratzak, gorostiak, elorriak, otsalizarrak ... eta ibilbidean zehar, han eta hemen, aleka, baita beste altxor bat ere: oso ez ohikoa den abaritza (Quercus coccifera); kantauriar isurialdean aurkitzea zaila dena.

ERREG(AR)EN PAGADIXA

Halaxe diote arrasatearrak. Baso mistoa da: artadia eta pago motzak bat eginda. Bertan bukatzen da Lurgorritik dakargun bidexka. Hemendik aurrera, Udala auzora, bide zabala izango dugu bidelagun.

TXABOLA

Bidegurutze honetan aukera dago Udala auzora jaitsi eta ibilbidearen lehen etapa bukatzeko. Guk, baina, osoa egin nahi dugunez, jarraitzen dugu pinadi eta artaditik gora. Une honetan egingo dugun igoera aldapatsua da. Beraz, lasai hartu.

DESKANTSALEKUA

Aldapa handiena bukatu da; "deskantsatzea" komeni da. Halaxe deitzen diote eremu honi, batzuk. Behatoki aparta ere bada, baina Udalaitzetik datorren bidearekin bat egiten duena. Guk laga egingo dugu bera eta aurrera jarraituko dugu. Helburua Santa Luziako meategira, (Gongetatik behera) joatea da. Hala ere, bidea zertxobait traketsa denez, kontuz ibili behar da.

KAPARRAMENDI

Kaparramendi gainak ere ikusmira aparta eskaintzen digu, eta bide batez artea, pagoa, sagarbasoa, otsalizarra eta haginak ere bai. Antzematen diren bidexkak jarraituko dira eta Pozutxueta gaineko lepotik dagoeneko antzemango dugu gure hurrengo helburua: Gongetako sakonetik behera, Santa Luzia meategia.

GONGETAKO SOKOGUNEA

Arrasateko beste meategi garrantzitsu batean aurkitzen gara. Seinalea jarraituko dugu zelaitik behera.

SANTA LUZIA MEATEGIA

Ustiatutako tokietan sartzeak beste garai batzuetara garamatza. Ze pena ez izatea eskura eremu honen inguruko informaziorik... Eta bitxiena da bertan eskalada eskola bat dagoela, eskalatzeko aukera ezberdinekin. Ze pena ez izatea eskura eremu honen inguruko informaziorik... Beherago antzematen dugu Santa Luzia ermita, Elorrioko udalerria eta AHTren obrak!

ELORRIXO ETA AHT OBRAK

Meategiak ikusi eta gero, artadien artean egingo dugu hurrengo etapa. Egiari zor, erne ibili beharko gara, izan ere bidexka ez da horren azpimagarria. Bide batez, landara arantzadunak izango ditugunez bidelagun, kontuz hanka eta belaunekin.

BIDEGURUTZEA

Artaditik aterata, erne ibiliko gara bidegurutzekin.

BIDEGURUTZEA

Bertatik jarraituko dugu Pozotxuetaraino. Pozotxuetatik pasatzen da Udalaitzera igotzeko bidea.

POZOTXUETA

Hezegune honen helburua Udalatx eremuan dauden ardi eta behorrei edateko ura bermatzea da.

BIDEGURUTZEA

Udalara hartuko dugu. Beste 40 bat minutu dira bertara joateko.

ARRAIKO TRANGO

Behatoki aparta inguruaz disfrutatzeko. Bidean bat egingo dugu antzerako informazio taulekin: karobiak, aintzirak ...

UDALA AUZOA (JATETXEAK)

Iritsi gara abiapuntura. Udalaitzek eskaintzen dizkigun paisaiak behatu eta aztertu ditugu. Bide batez disfrutatu dugu, eta aldi berean asko ikasi dugu Udalatx azpiko meategiei buruz.

Comments

You can add a comment or review this trail