As Forcadas e Requeixo. Mergúllate en... Chandrexa
near Forcadas, Galicia (España)
Viewed 39 times, downloaded 2 times
Trail photos
Itinerary description
Pequena camiñada, dentro do programa "Mergúllate en...", neste caso Chandrexa de Queixa.
Debido ao mal tempo (vento e ameaza de choiva) reducíuse parte do percorrido.
Comeza na aldea das Forcadas, máis exactamente a un quilómetro da mesma para poder estacionar os coches de tóldol@s participantes.
As Forcadas está bastante despoboado, o que provoca un triste abandono do seu fermoso casarío e dos camiños tradicionais polos que se servía e comunicaba esta comunidade. Camiñamos cara a Veiga do Río Grande adentrándonos no xigantesco circo glaciario que lle serve de marco. Pasamos un par de pontóns de grandes laxes de pedra e atopamos o muíño de Requeixo, recentemente restaurado, aínda que sen funcionamento práctico. Por ser unha actividade organizada, puidemos acceder ao seu interior (ignoro se se pode particularmente e como).
Continúase logo subindo cara Requeixo, aldea a máis de 1.200m de altitude e cunhas casas bastante ben conservadas. Algunhas delas están adaptadas para turismo rural. Lembramos que aquí estivo deportado Paz Andrade como represalia polo franquismo. El escribiu algúns poemas cando a súa forzosa estadía nesta aldea, con temáticas referidas a elementos da vida local: o liño, a lá... Obriñas de arte! (Mágoa que a casa -casona- onde estivo aloxado está en ruínas...)
Proseguimos e comeza a chover, mais non ofende moito porque imos por unha zona de touzas que nos abrigan bastante. Baixamos ao nivel do río e xa só queda subir ata As Forcadas para finalizar a andaina.
Tódolos camiños estaban limpos, algún dos días anteriores, parece que porque ía pasar a camiñada. Non é unha ruta dura; tan só hai que subliñar o desnivel pero non é especialmente duro por ser progresivo e non haber "dentes de serra".
Imprescindible levar bo calzado (botas de montaña) tanto polo piso coma polas zonas con auga. Considerar que é unha zona de montaña alta para a vestimenta, e informarse sobre a previsión meteorolóxica. Nas aldeas hai fontes. Como non é unha ruta sinalizada, mellor levar GPS se se quere emular.
Debido ao mal tempo (vento e ameaza de choiva) reducíuse parte do percorrido.
Comeza na aldea das Forcadas, máis exactamente a un quilómetro da mesma para poder estacionar os coches de tóldol@s participantes.
As Forcadas está bastante despoboado, o que provoca un triste abandono do seu fermoso casarío e dos camiños tradicionais polos que se servía e comunicaba esta comunidade. Camiñamos cara a Veiga do Río Grande adentrándonos no xigantesco circo glaciario que lle serve de marco. Pasamos un par de pontóns de grandes laxes de pedra e atopamos o muíño de Requeixo, recentemente restaurado, aínda que sen funcionamento práctico. Por ser unha actividade organizada, puidemos acceder ao seu interior (ignoro se se pode particularmente e como).
Continúase logo subindo cara Requeixo, aldea a máis de 1.200m de altitude e cunhas casas bastante ben conservadas. Algunhas delas están adaptadas para turismo rural. Lembramos que aquí estivo deportado Paz Andrade como represalia polo franquismo. El escribiu algúns poemas cando a súa forzosa estadía nesta aldea, con temáticas referidas a elementos da vida local: o liño, a lá... Obriñas de arte! (Mágoa que a casa -casona- onde estivo aloxado está en ruínas...)
Proseguimos e comeza a chover, mais non ofende moito porque imos por unha zona de touzas que nos abrigan bastante. Baixamos ao nivel do río e xa só queda subir ata As Forcadas para finalizar a andaina.
Tódolos camiños estaban limpos, algún dos días anteriores, parece que porque ía pasar a camiñada. Non é unha ruta dura; tan só hai que subliñar o desnivel pero non é especialmente duro por ser progresivo e non haber "dentes de serra".
Imprescindible levar bo calzado (botas de montaña) tanto polo piso coma polas zonas con auga. Considerar que é unha zona de montaña alta para a vestimenta, e informarse sobre a previsión meteorolóxica. Nas aldeas hai fontes. Como non é unha ruta sinalizada, mellor levar GPS se se quere emular.
Waypoints
You can add a comment or review this trail
Comments