Axpuru-Urbia, Elgea eta Urkila mendilerroetatik
near Axpuru, País Vasco (España)
Viewed 96 times, downloaded 3 times
Trail photos
Itinerary description
Axpurutik Urbiaraino joan ginen Elgea eta Urkila mendilerroetatik Urmuga ibilbidearen beste tarte bat osatuz. Ozeta eta Zalduondo batzen dituen errepidea hartu behar dugu Axpurura iristeko eta, elizaren errepidearen beste aldean dagoen errepidetxoa hartuz, berehala iritsiko gara hirubide batera, erdikotik abiatuko gara, laster, ataka baten ondoan, ibilgailua utziko dugu eta bideari ekingo diogu. Sekillagako ingurara hurbilduko gara aldai batzuk tarteketuz eta urtegitxo bat alboan utziz. Behin lehenengo tontorrera iritsirik batetik bestera baino ez dugu joan behar, GR/BN 12ri jarraituz , ikuspegiak gozatuz Elgea eta Urrestillako mendilerroen alde bietan Urkitzuko lepoko trikuharriraino. Handik gutxira norantza adierazle batzuk aurkituko ditugu. Urbiako norantza hartuko dugu basoan sartuz eta laster batean Urbiako Larrea, Aterpea eta Aizkorriko mendilerroa izango ditugu gure aurrean, Zabalaitzen ingurunean gaude. Itzultzeko ibilbide bera egin daiteke, baita beste batzuk ere tontor guztiak igo barik, baina guk, behin azkeneko adierazleetara iritsita, Gordoako norantza hartu genuen eta aldaiak tartekatuz, batzuetan akats txiki batzuk egiten, Berriako Monastegira heldu ginen eta hortik zuzenean gure aparkagunera. Ibilbide luzea baina interesgarria bai ikuspegien aldetik zein, batez be itzultzeko bidean, orientatze senaren aldetik. GPSak ez du irtenbide ezinezkorik nora joan nahi dugun badakigu.
Waypoints
You can add a comment or review this trail
Comments