Berastegiko harana
near Berastegi, País Vasco (España)
Viewed 94 times, downloaded 12 times
Trail photos
Itinerary description
Berastegiko plazatik San Martin Tours-koaren elizaren ondora jaitsiko gara errepidean zehar. Eliza hau, XVI-XVII. mendean berreraikia izan zen eta portada erromanikoa du. Honen ondoan, oinplano angeluzuzena eta bi isurkiko teilatua dituen jauregi-dorretxea dago, monumentu izendatua. Ezkerrera, Izotzalde auzora doan bidea utzi eta eskuinerantz ateratzen dena hartuko dugu. Goienetxe, Bazterretxe, Azpikoetxe eta Antsone baserriek osatzen duten Aiztunalde auzora iritsiko gara. Baserri artean, ezkerrera ateratzen den bidea hartuko dugu. Bide zabal eta eroso honek Lagarte eta Erroizpe tontorretaraino eramango gaitu. Tarte batez, Berastegiko harana desagertuko da gure begi bistatik eta Urdelarretik Uzturrera doan mendilerroaren magalean dauden Elduaien eta Eldua ikusi ditugu. Basoak atzean utzi, langa pare bat igaro eta Lagarte-Erroizpetik Ulirantz doan mendilerroa parean azalduko zaigu. Pista utzi eta pinudi baten ondotik gorantz joko dugu. Alanbrezko hesia pasa ondoren, xenda batek tontorrerainoko bidea erakutsiko digu. Erpin geodesikoa eta pare bat buzoi, bata Argitxoren irudiarekin. Ikuspegi zabalaren edertasunaz gozatzeko aukera paregabea: Hernio, Aralar eta Aizkorri mazizoak, Ipuliñotik Uzturrera doan mendilerroa, Otsabio eta Uli mendiak...
Etorri garen bidetik atzerantz egingo dugu, lepora jaitsi eta aldapa txiki bat igo ostean, batere seinalerik ez duen Lagarteko gailurrera igoko gara. Ataka igaro eta altuerarik galdu gabe, Ulirantz doan mendilerroa jarraituko dugu. Harresi bajua pasa eta belardian zehar Gazteluko atakaraino jaitsiko gara. Zenbait tartetan bidea pagadian, haitzen artean sartzen da eta erne ibili behar da, bidezidorra oso erraz gal dezakegu eta. Gaztelu eta Arburuko harkaitzen artean zabaltzen den bidezidorra jarraituko dugu garo artean. Pinudian zehar altuera galduko dugu Gaztelutik datorren pistarekin bat eginez. Inguru honetan Orexatik datorren bidearekin gurutzatzean, bide-seinale desberdinak ikusiko ditugu: GR 9 (Zezenen Bidea), GR 121 (Gipuzkoako itzulia) eta PR GI-11-111 (Uliko ibilbideak). Marka zuri, gorri eta horiak egurrezko hesola, zuhaitz eta harrietan margoturik. Intxusburu eta Aldamuñoko gainen artean marrazten den pista zabala segituz berehala iritsiko gara Uliko atsedenlekura. Puntu honetan ezkerrera, Izotzaldera zuzenean jaisten den bidea utzi eta aurrez aurre dugunari helduko diogu. Izeidian murgildu eta azkar iritsiko gara Zelaitxikiko bidegurutzera.
Berastegira itzultzeko, Uli eta Urtorantz doan bidea utzi (GR 9 eta GR 121) eta PR-GI 111ari dagozkion bide-seinale zuri eta horiak jarraituko ditugu. Larremotxeko magalean zehar hedatzen den bide honetatik beherantz egingo dugu. Aintzergara jaisteko bidea eskuinera utzi eta Sobelar muinoa inguratzen duen bidetik Juangoneko bordaren ondora jaitsiko gara. Gertu ikusiko dugu San Sebastian ermita, mendixka borobil baten gainean kokaturik. Kanpoan kontrahormak ditu eta sarreran arku zorrotza. Ermitara iritsi aurretik bide-seinaleek erakusten duten norabidean aldapan behera egingo dugu Izotzalde auzorantz. Baserri eta etxe ederren artean abiapuntura itzuliko gara.
Etorri garen bidetik atzerantz egingo dugu, lepora jaitsi eta aldapa txiki bat igo ostean, batere seinalerik ez duen Lagarteko gailurrera igoko gara. Ataka igaro eta altuerarik galdu gabe, Ulirantz doan mendilerroa jarraituko dugu. Harresi bajua pasa eta belardian zehar Gazteluko atakaraino jaitsiko gara. Zenbait tartetan bidea pagadian, haitzen artean sartzen da eta erne ibili behar da, bidezidorra oso erraz gal dezakegu eta. Gaztelu eta Arburuko harkaitzen artean zabaltzen den bidezidorra jarraituko dugu garo artean. Pinudian zehar altuera galduko dugu Gaztelutik datorren pistarekin bat eginez. Inguru honetan Orexatik datorren bidearekin gurutzatzean, bide-seinale desberdinak ikusiko ditugu: GR 9 (Zezenen Bidea), GR 121 (Gipuzkoako itzulia) eta PR GI-11-111 (Uliko ibilbideak). Marka zuri, gorri eta horiak egurrezko hesola, zuhaitz eta harrietan margoturik. Intxusburu eta Aldamuñoko gainen artean marrazten den pista zabala segituz berehala iritsiko gara Uliko atsedenlekura. Puntu honetan ezkerrera, Izotzaldera zuzenean jaisten den bidea utzi eta aurrez aurre dugunari helduko diogu. Izeidian murgildu eta azkar iritsiko gara Zelaitxikiko bidegurutzera.
Berastegira itzultzeko, Uli eta Urtorantz doan bidea utzi (GR 9 eta GR 121) eta PR-GI 111ari dagozkion bide-seinale zuri eta horiak jarraituko ditugu. Larremotxeko magalean zehar hedatzen den bide honetatik beherantz egingo dugu. Aintzergara jaisteko bidea eskuinera utzi eta Sobelar muinoa inguratzen duen bidetik Juangoneko bordaren ondora jaitsiko gara. Gertu ikusiko dugu San Sebastian ermita, mendixka borobil baten gainean kokaturik. Kanpoan kontrahormak ditu eta sarreran arku zorrotza. Ermitara iritsi aurretik bide-seinaleek erakusten duten norabidean aldapan behera egingo dugu Izotzalde auzorantz. Baserri eta etxe ederren artean abiapuntura itzuliko gara.
Waypoints
Waypoint
1,296 ft
Aiztunalde
Waypoint
2,541 ft
Berroetako lepoa
Summit
2,647 ft
Lagarte
Summit
2,533 ft
Gazteluaitz
Summit
2,534 ft
Arburu
Mountain pass
2,302 ft
Bekoetxe lepoa
Summit
2,368 ft
Anakar
Mountain pass
2,407 ft
Zelaitxikiko lepoa
Waypoint
1,518 ft
Izotzalde
Waypoint
1,623 ft
Amerialde
Waypoint
1,555 ft
Eguzkialde
Waypoint
1,714 ft
Leitzalde
Waypoint
1,685 ft
Urdinarrain
Waypoint
1,693 ft
Elduainalde
Waypoint
1,897 ft
Aintzerga
Waypoint
1,859 ft
Leitzalde
Waypoint
1,313 ft
Elizalde
You can add a comment or review this trail
Comments