Brañas de Pedra do Cadro (Muros)

Se coñecedes o monte Pindo, no concello de Carnota, este percorrido, na parroquia de Esteiro, en Muros, vos vai resultar moi familiar. Non ten a lenda do Olimpo Celta detrás súa, pero en canto a vistas panorámicas e formacións graníticas erosionadas e con formas imaxinativas de animais e persoas, non lle faltan. Se agudizades a vista, veredes gatos, tartarugas e hasta a cadeira do bispo.
Ten seu comezo esta andaina, circular e parcialmente sinalizada, na igrexa de Santa Mariña de Esteiro. A uns douscentos metros de empezar virades a esquerda, pola rúa Solleiros. Non sigades de fronte porque iríades dar n´A Silvosa, pola estrada. Xa estamos no bo camiño e é cuestión de ir atentos aos sinais branco-amarelos que nos levarán en continuo ascenso ata atoparnos cun poste indicador. Desde aquí subiremos a Pedra do Cadro entre bolos graníticos de caprichosas formas, chegando ao mirador natural sobre a ría de Muros e Noia.
Volvemos hacia atrás ata o poste indicador para seguir hacia A Braña e a uns catrocentos metros atopámonos unha pista a esquerda que baixa ao cemiterio e ao punto de partida, acortando a ruta. Nos seguimos a dereita pola curva de nivel do terreo gozando das vistas sobre a praia de Abelleira.
Pasamos por rochas cabaleiras formadas por varios penedos amontoados e un singular bolo con forma case que cadrada. A paisaxe é máxica.
Prestamos atención aos sinais e baixamos hacia A Braña, con zonas húmidas franqueadas polos outeiros graníticos erosionados pola chuvia e o vento. Andamos por un cómodo camiño e pasando o indicador de A Braña uns oitocentos metros, chegamos a unha pista que baixa a dereita. Seguiremos por aquí, porque se continuásemos de fronte, subindo, a uns trescentos metros encontraríamos un camiño a dereita coas marcas sendeiristas que nos levarían por unha fermosa corredoira ata A Silvosa, pero logo tendríamos que facer un longo treito por estrada, que non interesa. Así que baixamos pola pista da dereita con forte desnivel e que nos pon a beira do río Maior.
Imos por este camiño paralelo ao río e nunha bifurcación collemos a esquerda para atravesar a estrada a altura do muiño da Pontella. Agora o sendeiro é de pescadores e a vexetación arbórea de ribeira conforma unha galería.
Remata o sendeiro e nos metemos nunha pista que vai ao barrio de Regoa e de aquí imos a Esteiro, onde comezamos.
P.D.- Indo atentos aos sinais e as indicacións que fixen, non precisades de GPS.
N´A Silvosa hai un panel do Sendeiro dos Camiños Tradicionais, pero é máis ben para facer con bicicleta BTT, porque vai por pistas forestais e camiños veciñais asfaltados.