Brión e a sua contorna (Rianxo)
near Leiro, Galicia (España)
Viewed 100 times, downloaded 8 times
Trail photos
Itinerary description
Waypoints
Capela Nosa Señora dos Desamparados.
Aldea de Brión.Capela situada no centro do lugar de Brión, inserida no muro de peche do Pazo dos Torrado de Brión, do que formaba parte. Foi fundada por Diego Manuel Torrado en 1783 con motivo da súa coxeira, que o impedía asistir aos actos relixiosos na Igrexa de Santa María de Leiro. Acceso desde a rúa mediante unha pequena escalinata de pedra. Construción de planta rectangular de pequenas dimensións coa sancristía acaroada á fachada norte, resolta con muros de cachotería e cantería con cuberta a dúas augas de tella. Fachada sinxela coroada por unha cruz sen imaxes e un pequeno oco de iluminación. Portada alintelada con inscrición e escudo central da familia.
Ermida de San Pedro de Vilas.
A licenza para edificar a ermida foi dada polo Arcebispo Andrés Girón, en novembro de 1970, rematándose en 1671. Trátase dunha ermida de planta rectangular e nave única, realizada en cantaría de granito e cuberta a dúas augas de fibrocemento sobre estrutura de madeira. A capela está situada nun alto ao que se accede mediante unha escalinata de pedra. Con apenas 10 metros de lonxitude, consta de dous corpos para nave e altar comunicados por arco de medio punto moi deformado. Fachada sinxela con porta alintelada entre dous pequenos ocos abocinados. As fachadas curtas están coroadas cunhas cruces de granito. Decoración con motivos xeométricos tanto na porta principal como na cornixa perimetral. No interior, corpo anterior con tribuna e outro posterior que contén o altar divididos por un arco de medio punto e presenta tribuna tamén de madeira. Rodeada de piñeiros, nunha contorna natural na que anualmente se celebra a Romaría do San Pedro de Vilas. Sobre a porta destacan o escudo dos Torrado, unha cartela e por baixo desta, unha venera cruzada por un xis. Outros elementos destacados da fachada son un par de cabezas de pedra e que están a ambos lados da porta principal. No muro norte, facendo parte da cornixa, hai outra cabeza, mellor conservada e até quizais mellor tallada en orixe. No blogue Ilha de Orjais, faise unha detallada descrición da ermida.
Comments (3)
You can add a comment or review this trail
Antes de nada, por favor, prestade atención a nota informativa do final deste texto. Graciñas.
Esta ruta comeza na aldea de Brión e saindo dela cruzamos a estrada DP-3301 e axiña tomamos o ascenso cara ao cumio do monte por fermosas corredoiras entre toxos e xestas, fentos e como non tamén eucaliptos e piñeiros. Case no cumio chegaremos a Ermida de San Pedro de Vilas, espectacular pola sua soedade e entorno natural e dalí ascenderemos un pouco mais ate chegar a un punto onde as olladas da Ría de Arousa son impresionantes.
De seguido comezamos o descenso novamente por corredoiras entre vexetación, agás un pequeno treito de estrada de chapapote, recuperando a ollada de Ría no seu entrante entre a illa de Cortegada, Carril e Catoira.
Cruzamos de novo a estrada antes indicada e sempre por corredoiras e sendeiros chegamos a beira do mar para disfrutar das belidas praias da contorna.
Por un sendeiro de beiramar primeiro e camiñando entre as rochas despois chegaremos até a praia do Porrón onde enfilaremos outro sendeiro de volta a Aldea de Brión, o punto de partida.
A destaque: Aldea de Brión e a capela da Virxe dos Desamparados, Ermida de San Pedro de Vilas, praias das Cunchas e o Porrón.
Ruta non señalizada, precisades de GPS.
Bon camiño.
NOTA IMPORTANTE: No treito de beiramar a ruta vai por encima das rochas por tanto é importante ter en conta o nivel da marea xa que pode quedar algún treito sen paso cando a pleamar, tendo que buscar alternativa polo interior. Asemesmo tedes que extremar a precaución posto que as rochas son esbaradizas e con certa dificultade e risco de accidente.
V5"422 : z w bxxbsmv
Vb
0
O