Cabo Busto (Valdés). Ruta circular
near Busto, Asturias (España)
Viewed 7 times, downloaded 0 times
Trail photos
Itinerary description
Esta ruta conta cunha motivación máis: en cada miradoiro e en varias árbores hai colocadas unhas pizarriñas con frases, citas célebres escritas que fan o percorrido xa de por si fermoso en máis ameno e entretido.
É unha ruta fácil por carreiros e camiños perfectamente transitables e tamén con algo de asfalto ao principio e ao final que non lle restan nada á ruta.
Para facela circular, é necesario seguir un track xa que hai bastantes cruces sen sinalizar
Waypoints
Biblioteca
Estas foron as antigas escolas, estaban nun edificio construido en 1901 e que hoxe alberga a biblioteca "Eduardo Pérez de la Fanosa" que foi aberta no 2021 con máis de 6000 exemplares. Esta iniciativa foi obra da Asociación de Veciños de Busto. No edificio celébranse tamén charlas, exposicións, talleres... Unha iniciativa desta Asociación é tamén o proxecto "Losas Literarias" que se atopan ao longo de toda esta ruta e que se trata dunha serie de textos de autores coñecidos escritos sobre pequenas lousas e colocados en lugares estratéxicos. A 1ª lousa atopámola precisamente ao pé da biblioteca.
Miradoiro Las Imeas
Dende o Miradoiro Las Imeas teño unha fermosa vista da praia de Cueva e outra lousa literaria. Nesta praia desemboca o río Esva que non se ve na foto porque queda oculto polos eucaliptos e piñeiros.
Vistas
Praia de La Herbosa sen acceso por terra, é un espazo protexido ZEPA (Zona de Especial Protección para as Aves) O leito desta praia está fotrmado por pedras na inmensa maioría e algo de area oscura.
Praia El Bozo
A praia de Bozo é pequena, formada por cantos rodados e rodeada de grandes acantilados. É unha praia solitaria, á que só hai como acceso o camiño polo que acabo de baixar.
Faro de Busto
O Faro de Cabo Busto foi inaugurado en 1858 e atópase rodeado de grandes acantilados case verticais que acadan os 80m. de altura. A torre orixinal foi sustituida pola actual en 1962.
Praia Boxada el Vino
Hai unha corda para acceder á praia Boxada el Vino pero paréceme moi perigosa
You can add a comment or review this trail
Comments