Cabo de Cee (Corcubión)

Comezamos este sendeiro polas terras do concello de Corcubión na praza do Campo do Rollo, no casco urbano e na súa primeira metade vai coincidir coa ruta xacobea a Fisterra e levarános logo polo cabo de Cee (chamado así ainda que pertence ao concello de Corcubión).
A poucos metros de empezar a andar xa nos metemos nunha contorna rural que transcorre ao principio por un angosto camiño entre muros. Logo de pasar por o núcleo de Vilar, atravesamos a estrada C-550 e deixamos atrás o albergue de San Roque para seguir por un camiño que nos leva ata Amarelo donde, despois de pasar por unha fonte, abandonamos a ruta a Fisterra e metémonos a esquerda por unha corredoira entre campos e que vai buscando o mar, pero a uns trescentos metros antes de chegar a costa, xiramos en perpendicular a esquerda para dirixirnos a Redonda. Agora podremos ollar a abrupta costa ata a punta de Fisterra.
En Redonda agárdannos os seus hórreos de pedra, algúns deles agrupados conformando unha eira. Pasamos as casas para achegarnos a igrexa románica de San Pedro.
Volvendo sobre nosas pegadas alcanzamos a estrada que collemos a dereita en dirección ao faro de cabo de Cee e andaremos por ela uns trescentos metros, pasando de largo o desvío a Oliveira e desde aquí quedan outros quinientos metros de asfalto para logo meternos a esquerda por un camiño de carro que tamén leva a Oliveira. (Se continuásemos estrada abaixo seiscentos metros máis, chegaríamos ao faro e logo habría que desandalos ou seguir por estrada ata o Castelo do Cardeal).
Nos collemos polo camiño de carro ata chegar a Oliveira que atravesaremos baixando entre leiras e arboreda cara ao Castelo do Cardeal a beira do mar e dominando a bocana da ría de Corcubión.
De novo por estrada uns cortos trescentos metros para acadar a praia de Quenxe e desde ela a praza do Campo do Rollo.