Camiñantes 03 2015 Fonsagrada Ruta da Pena Guimara

Vilardiaz e o pobo de partida chegamos dende Meira, Comeza a ruta cunha pista forestal que vai recorrendo o monte a unha altura constante para logo de dous kms caer de supeto nunha baixada vertixinosa cara o regato. Pasada a estrada e baixando ao rio metémonos nun mundo de fraga espesísima incluso no inverno, musgo e verdes infinitos todo pola beira do regato, remontando pouco a pouco o curso con varios muiños en ruinas e pontes xa en desuso. Chegamos polo cauce do rio a Romean, lugar hoxe desahabitado pero con grandes casonas e horreos casi asturianos. Un castro tremendo sobre Romean nos sauda ao sair da fraga camiño de San Martin de Robledo, Ollamos a eirexa, e marchamos cara Vilardiaz polo medio doutra fraga e remontando un importante desnivel, atravesando unha minas preto xa do pobo, ao que chegamos case as tres da tarde.
Camiñada moi interesante pola gran diferencia entre un inicio suave case sin pendente e cunha vistas amplísimas do val do rio Veiga de Logares, cunhas formacions boscosas moi densas e continuas dende Fonsagrada e case ata entrar en Asturias e unha segunda parte da ruta polo regato totalmente cuberto pola fraga e con rincons preciosos onde o regato excavou o relevo con varios tramos moi encaixados. Por ultimo a aldea abandoada de Romean, sempre impresiona que lugares onde a xente tivo, non unha vida, senon xeracions enteiras, agora queden no absoluto abandono. Unha magoa. A comida de ultima hora no Cantabrico de Fonsagrada, como non, grazas as xestions de Xan, un descubrimento.