Camiño do Ferradal. PR-G 187 (O Courel)
near Paradapiñol, Galicia (España)
Viewed 2534 times, downloaded 66 times
Trail photos
Itinerary description
Traslado a información dos paneis que atopamos no roteiro:
"A ruta percorre o val do río Soldón, entre a Ferrería de Rugando e a aldea de Soldón. Este camiño ten a súa orixe no recorrido que facían os arrieiros, transportando en mulas o mineral dende as montañas ata as ferrerías que situábanse nos vales, ao carón dos ríos, para aproveitar a forza da auga que mecanizaban as mazas e os foles. No seu interior atopábase un forno construido con pedras e cuberto de arxila, que empregaba carbón ou leña como combustible. A produción destinábase ao abastecemento da comarca, principalmente a fabricación de ferramentas de labranza.
O percorrido proposto arranca desde a Ferrería de Rugando, hoxe casa de turismo rural. Atravesamos o río pola ponte que une este lugar con Vilarmel e Cereixido. O camiño sae a dereita e atravesa un frondoso souto. Despois de varios cruzamentos, perfectamente sinalizados pola marxe esquerda do río Soldón, o camiño faise máis estreito e quebrado na baixada ao río onde aínda se poden ver os restos dunha ponte que permitiría acceder directamente a Paradapiñol. Neste treito o sendeiro vai cerca do río para ir gañando altura progresivamente ata separarse do camino vello que subía cara a Cereixido. A partir deste cruzamento o sendeiro vai máis ou menos chan ata chegar a unirse co camiño Ferradal. Neste lugar podemos volver ao punto de partida subindo á aldea de Paradapiñol ou continuar a ruta cara a Paradaseca e Ponte Soldón.
O camiño ascende con suavidade cara ao lugar de Castro, para descender tamén con suavidade ata unha ponte de madeira que atravesa o regato de Barreiro procedente de Cereixido. Desde o rego de Cereixido o sendeiro empeza a gañar novamente altura pasando ao carón dun curioso abrigo rochoso, probablemente empregado antaño polos pastores. Pronto nos atopamos co rego de Rocaboa que baixa bruscamente do chan de Fiais en abruptas fervenzas; atravésase novamente por unha ponte de madeira para ir gañando altura ata saír do rego e circular a media ladeira polo val do río Soldón. O camiño descende paseniño ata cruzar o Soldón na espectacular Ponte do Frade, xa na beira dereita a ruta percorre un treito rodeado de Sequeiros e alvarizas que nos conduce ata o lugar de Penafurada. Para chegar ao túnel escavado polos romanos temos que abandonar o camiño uns cens metros en dirección ao río por unha senda ben marcada.
A canle de Penafurada foi construida para levar auga a varias explotacións auríferas romanas. Toma a auga do río Soldón, xunto ao que discorre. Desde o seu comezo a canle conserva a súa altura mentres o río baixa polo val cara a súa desembocadura no río Sil. Os enxeñeiros romanos decidiron escavar un túnel de 15 metros para atravesar un esporón rochoso sen perder altura e evitando rodealo. Augas arriba e embaixo deste lugar é frecuente encontrar restos dos muros ou rebaixes no terreo que cumpriu facer para conducir a auga. Este túnel iniciouse desde os dous lados do esporón ao mesmo tempo. Como se pode comprobar no seu interior, tiveron que rectificar. Esta canle tiña unha lonxitude aproximada de 9 Km (ata o seu destino probable nas minas de Sequeiros e As Medas, en Quiroga), uns 80 cm de ancho e unha profundidade media de 5-10 cm."
Desde Penafurada temos duas opcións para continuar e nós escollemos a que baixa cara ao río, pola esquerda, para pasar pola chamada cova de Ricopete, antigo refuxio de pastores. Seguimos o descenso ata chegar a desembocadura no Sil do río Soldón, rematando o roteiro na aldea homónima.
"A ruta percorre o val do río Soldón, entre a Ferrería de Rugando e a aldea de Soldón. Este camiño ten a súa orixe no recorrido que facían os arrieiros, transportando en mulas o mineral dende as montañas ata as ferrerías que situábanse nos vales, ao carón dos ríos, para aproveitar a forza da auga que mecanizaban as mazas e os foles. No seu interior atopábase un forno construido con pedras e cuberto de arxila, que empregaba carbón ou leña como combustible. A produción destinábase ao abastecemento da comarca, principalmente a fabricación de ferramentas de labranza.
O percorrido proposto arranca desde a Ferrería de Rugando, hoxe casa de turismo rural. Atravesamos o río pola ponte que une este lugar con Vilarmel e Cereixido. O camiño sae a dereita e atravesa un frondoso souto. Despois de varios cruzamentos, perfectamente sinalizados pola marxe esquerda do río Soldón, o camiño faise máis estreito e quebrado na baixada ao río onde aínda se poden ver os restos dunha ponte que permitiría acceder directamente a Paradapiñol. Neste treito o sendeiro vai cerca do río para ir gañando altura progresivamente ata separarse do camino vello que subía cara a Cereixido. A partir deste cruzamento o sendeiro vai máis ou menos chan ata chegar a unirse co camiño Ferradal. Neste lugar podemos volver ao punto de partida subindo á aldea de Paradapiñol ou continuar a ruta cara a Paradaseca e Ponte Soldón.
O camiño ascende con suavidade cara ao lugar de Castro, para descender tamén con suavidade ata unha ponte de madeira que atravesa o regato de Barreiro procedente de Cereixido. Desde o rego de Cereixido o sendeiro empeza a gañar novamente altura pasando ao carón dun curioso abrigo rochoso, probablemente empregado antaño polos pastores. Pronto nos atopamos co rego de Rocaboa que baixa bruscamente do chan de Fiais en abruptas fervenzas; atravésase novamente por unha ponte de madeira para ir gañando altura ata saír do rego e circular a media ladeira polo val do río Soldón. O camiño descende paseniño ata cruzar o Soldón na espectacular Ponte do Frade, xa na beira dereita a ruta percorre un treito rodeado de Sequeiros e alvarizas que nos conduce ata o lugar de Penafurada. Para chegar ao túnel escavado polos romanos temos que abandonar o camiño uns cens metros en dirección ao río por unha senda ben marcada.
A canle de Penafurada foi construida para levar auga a varias explotacións auríferas romanas. Toma a auga do río Soldón, xunto ao que discorre. Desde o seu comezo a canle conserva a súa altura mentres o río baixa polo val cara a súa desembocadura no río Sil. Os enxeñeiros romanos decidiron escavar un túnel de 15 metros para atravesar un esporón rochoso sen perder altura e evitando rodealo. Augas arriba e embaixo deste lugar é frecuente encontrar restos dos muros ou rebaixes no terreo que cumpriu facer para conducir a auga. Este túnel iniciouse desde os dous lados do esporón ao mesmo tempo. Como se pode comprobar no seu interior, tiveron que rectificar. Esta canle tiña unha lonxitude aproximada de 9 Km (ata o seu destino probable nas minas de Sequeiros e As Medas, en Quiroga), uns 80 cm de ancho e unha profundidade media de 5-10 cm."
Desde Penafurada temos duas opcións para continuar e nós escollemos a que baixa cara ao río, pola esquerda, para pasar pola chamada cova de Ricopete, antigo refuxio de pastores. Seguimos o descenso ata chegar a desembocadura no Sil do río Soldón, rematando o roteiro na aldea homónima.
Waypoints
Comments (1)
You can add a comment or review this trail
I have followed this trail verified View more
Information
Easy to follow
Scenery
Moderate
Rrrrrr