Camiño Natural do Cantábrico.Etapa 6 . Tramo Viveiro -Praia de Area Grande.

Esta etapa alterna, coma case todas dende Barreiros, tramos pegados á costa con tramos de interior.
Saimos de Viveiro pola Ponte da Misericordia e enlazamos co Paseo marítimo de Covas pegados á súa extensa praia.
Logo o Camiño métese ao interior subindo polo barrio de Coído que nos vai levar a un monte de eucaliptos( case a única especie arbórea que domina os montes na Mariña)
Cruzamos este monte(sobre 2 km.) e saímos á estrada xeral en Escourido.
Cruzamos a estrada e xa vemos os sinais que nos levan á praia de Abrela en 1 km. e pico. Nós seguimos de frente porque queríamos ver a Área Etnográfica
da Insua onde está o Cargadoiro e tamén queriamos atopar a famosa pero dificil de localizar Cova da Doncela.Nós atopámola e dende aquí en teoría deberiamos dar a volta para coller o Camiño oficial que deixáramos en Escourido pero víamos tan cerca a praia de Abrela a que tíñamos que chegar que nos aventuramos por un carreiro que atravesaba un monte paralelo á praia.
E acertamos xa que en aprox. 500 m. chegamos á praia. Pero...atopamos unha dificultade: tíñamos que cruzar por un sitio onde desemboca un río e había que mollar os pés si ou si. Así que nos descalzamos e veña!! Non había profundidade pero a auga en xaneiro estaba moi fría...!!!
Salvado con éxito este incidente e xa praia de Abrela continuamos pola pasarela de madeira que rodea a praia para coller logo á esquerda entre as casas polo barrio de O Fontao alonxándonos outra vez do Cantábrico ata chegar ao máis alto: Suegos onde temos a opción de visitar O Fuciño do Porco se queremos. Nós como xa o visitamos dúas veces optamos por seguir o camiño.
Dende Suevos introducímonos outra vez nun monte de eucaliptos ata chegar á praia Area Grande, onde damos por finalizado este tramo.
Póñolle o grao de dificultade como fácil porque aínda que hai algunha subida e baixada ao meu modo de ver son moi levadeiras.