Camiño portugués-Pontillón de Castro-Río-Lérez
near Pontevedra, Galicia (España)
Viewed 131 times, downloaded 2 times
Trail photos
Itinerary description
Iniciamos esta ruta en Pontevedra, ás 8:30 da mañá, na ponte peonil situada augas arriba da Ponte dos Tirantes. Pasamos á marxe dereita do Río Lérez e seguimos o seu curso ata un pouco antes das "Corrientes". Entón collemos dirección norte, entrando na Xunqueíra de Alba, aínda que por donde camiñamos pertence á parroquia de Lérez.
No lugar de Gándara enlazamos co Camiño Xacobeo Portugués e non o deixaremos ata chegar á Capela de San Amaro, xa no concello de Barro.
Ao chegar á parroquial de Alba facemos unha cativa parada para facer algunha foto e admirar o gravado en pedra que moi posiblemente faga referencia a unha mellora da igrexa mandada facer por Diego Xelmírez ("Didacus Episcopus"). Sería así do século XII esta placa de pedra.
Pouco máis adiante estreamos a recente remodelación total do Camiño ao seu paso por San Caetano. Antes, travesía difícil e perigosa, polo tránsito da estrada de Vilagarcía. As obras realizadas ao longo de 2020, solucionaron este vello problema.
Pasado este punto, o Camiño vai entre árbores ata chegar a San Amaro. Aquí deixamos o Camiño, subimos unha empinada costa e, despois de atravesar a N 550, subimos ás Penizas, donde paramos de novo para contemplar as boas vistas que temos arredor.
Agora toca rodear o monte e logo, pola ladeira do nacente, baixamos ata o Encoro de Pontillón de Castro. Facemos unha pequena parada e tomamos as once, porque son as 11:30 h.
Collemos a continuación a pista de terra que se xunta co extremo sur do muro do Encoro. Entramos en terras de Verducido. Imos andando pola ladeira norte do monte, pero entrando en Xeve, subimos á liña divisoria de augas e mantémonos polo alto. Comemos ás 13:30 h perto do Campo de Fútbol de Santa María.
Ás 14:00 h continuamos a ruta. Ao entrar en Lérez collemos a ladeira sur do monte, coa intención de chegar ao Río Lérez en Couso. Desde alí, cruzando o río pola ponte metálica situada na Estación de Bombeo, seguimos pola marxe esquerda e atravesando os encantadores "Salóns do Lérez" chegamos ás 15:00 h de novo á ponte peonil, inicio e final do traxecto.
Data de realización: 11 de xaneiro de 2021
No lugar de Gándara enlazamos co Camiño Xacobeo Portugués e non o deixaremos ata chegar á Capela de San Amaro, xa no concello de Barro.
Ao chegar á parroquial de Alba facemos unha cativa parada para facer algunha foto e admirar o gravado en pedra que moi posiblemente faga referencia a unha mellora da igrexa mandada facer por Diego Xelmírez ("Didacus Episcopus"). Sería así do século XII esta placa de pedra.
Pouco máis adiante estreamos a recente remodelación total do Camiño ao seu paso por San Caetano. Antes, travesía difícil e perigosa, polo tránsito da estrada de Vilagarcía. As obras realizadas ao longo de 2020, solucionaron este vello problema.
Pasado este punto, o Camiño vai entre árbores ata chegar a San Amaro. Aquí deixamos o Camiño, subimos unha empinada costa e, despois de atravesar a N 550, subimos ás Penizas, donde paramos de novo para contemplar as boas vistas que temos arredor.
Agora toca rodear o monte e logo, pola ladeira do nacente, baixamos ata o Encoro de Pontillón de Castro. Facemos unha pequena parada e tomamos as once, porque son as 11:30 h.
Collemos a continuación a pista de terra que se xunta co extremo sur do muro do Encoro. Entramos en terras de Verducido. Imos andando pola ladeira norte do monte, pero entrando en Xeve, subimos á liña divisoria de augas e mantémonos polo alto. Comemos ás 13:30 h perto do Campo de Fútbol de Santa María.
Ás 14:00 h continuamos a ruta. Ao entrar en Lérez collemos a ladeira sur do monte, coa intención de chegar ao Río Lérez en Couso. Desde alí, cruzando o río pola ponte metálica situada na Estación de Bombeo, seguimos pola marxe esquerda e atravesando os encantadores "Salóns do Lérez" chegamos ás 15:00 h de novo á ponte peonil, inicio e final do traxecto.
Data de realización: 11 de xaneiro de 2021
Waypoints
You can add a comment or review this trail
Comments