Carballeira de San Xusto- Río Maneses- Petróglifos de Fentáns

ACTUALIZACIÓN: EN AGOSTO DE 2021 ATÓPANSE TRAMOS MOI CERRADOS EN CAMIÑOS QUE FAI POUCO ERAN TRANSITABLES. ESPECIALMENTE NAS PROXIMIDADES DE CUTÍN E A CAPELA DE LIXÓ.

Aparcamos ó lado da capela da Carballeira de San Xusto de Sacos. Baixamos por a pista asfaltada ata o Balneario xunto ó río Lérez e continuamos as marcas amarelas. Dende a ponte do século XVIII que atravesa o río Lérez seguimos río abaixo e, neste caso, aproveitamos o roteiro cabalar da esquerda para dirixirnos ó lugar de Cutián. Atravesamos o pobo e continuamos por camiños bastante abandonados ata a área de recreo do río Lérez.
Seguimos a senda do río Maneses atravesando en varias ocasións as pistas asfaltadas e seguindo as marcas que, aínda que escasas, seguen aparecendo de cando en cando e que nos levarán o Parque Arqueolóxico da Arte Rupestre de Campolameiro.
Despois de comer na cafetería do parque arqueolóxico, metémonos dentro para chegar á GRG-94 que o o atravesa. Collemos a GRG-94 con dirección o leste e seguimos o seu percorrido ata a lugar de Fentáns. Unha vez que chegamos á carretera de Fentáns, abandonamos a GRG-94 e collemos un camiño empidado á esquerda que nos levará ós petróglifos de Fentáns.
Despois de visitar os puntos espallados nos que se atopan os petróglifos, continuamos por un pequeno tramo asfaltado ata a capela da Nosa Señora de Lixó e baixamos por un bonito sendeiro invadido de toxo baixo dende o que se observa a bonita carballeira de San Xusto.
Pronto chegamos de novo á GRG-94 que nos levará á ponte do século XVIII e volvemos subir con dirección á carballeira por un camiño de pedra empinado e húmido.