Castro de Amarante ao Farelo. Antas de Ulla
near Castro de Amarante, Galicia (España)
Viewed 168 times, downloaded 2 times
Trail photos
Itinerary description
Camiñada polo centro de Galicia, entre os concellos de Antas do Ulla e Palas do Rei (ou entre as comarcas da Ulloa e o Deza). Non é unha ruta sinalizada. Fíxose seguindo esta: https://gl.wikiloc.com/rutas-sendeirismo/subida-ao-monte-farelo-a-golada-e-antas-de-ulla-44864919
Comeza na aldea do Castro, onde xa podemos ver rotundas casas e rica factura. Transita, primeiramente, por camiños e pistas entre prados e arboredo. Máis tarde chegaremos á parte alta, máis descuberta, e dende a que gozaremos dunha extensas panorámicas, seica das catro provincias galegas (o Pico Sacro, os Ancares, O Candán...) No alto do Farelo existe un miradoiro-gastacartos perfectamente inútil porque non mellora nada da observación que poderiamos facer sen el (xa se sabe... o diñeiro vai para distintos petos).
Como xa dixen, nos núcleos de poboación vemos casaríos de boa construción, en pedra de cantería. Aínda que non son moi abondosos, hai canastros igualmente ben construídos e afortunadamente en bo estado de mantemento. As distintas igrexas tamén pagan unha visita. Sorprende a de San Martiño de Amarante, na aldea de Carrasco, de orixe románica pero moi (tristemente) reformada no XIX. Conserva unha portada lateral románica cun tímpano extraordinario.
A ruta atravesa a aldeíña despoboada de Santo Tomé. Unha tristura! No medio dunha zona fértil e con casas que se ve que foron ricas, non debería estar invadida polos silveiros. Galicia e o destino que lle impoñen (e toleramos)...
Outro punto destacado é a fortaleza e pazo de Amarante. Unha casa soarega da familia Noguerol, condes de Amarante, fundada no século XIII. Na páxina do Concello de Antas: http://www.concellodeantas.org/web/monumentos/fortaleza-castro-amarante/
hai ampla información sobre este monumento. A aldea circundante tamén está nun penoso estado de abandono.
A mor parte do percorrido vai por piso de terra. Hai un treito alcatroado para chegar a Santo Tomé (en partes xa desaparecido polo abandono) e o último quilómetro tamén descorre pola beira da estrada N-640. Todo o trazado está perfectamente transitable e limpo. Debido a que parte alta vai descuberta, pode non ser a ruta idónea para días de moi mal tempo ou tampouco de forte raxeira. Polo demais paréceme levadeira para moita xente, con tal de ter unha mediana forma física e práctica de camiñar.
Ruta recomendable, en fin.
Comeza na aldea do Castro, onde xa podemos ver rotundas casas e rica factura. Transita, primeiramente, por camiños e pistas entre prados e arboredo. Máis tarde chegaremos á parte alta, máis descuberta, e dende a que gozaremos dunha extensas panorámicas, seica das catro provincias galegas (o Pico Sacro, os Ancares, O Candán...) No alto do Farelo existe un miradoiro-gastacartos perfectamente inútil porque non mellora nada da observación que poderiamos facer sen el (xa se sabe... o diñeiro vai para distintos petos).
Como xa dixen, nos núcleos de poboación vemos casaríos de boa construción, en pedra de cantería. Aínda que non son moi abondosos, hai canastros igualmente ben construídos e afortunadamente en bo estado de mantemento. As distintas igrexas tamén pagan unha visita. Sorprende a de San Martiño de Amarante, na aldea de Carrasco, de orixe románica pero moi (tristemente) reformada no XIX. Conserva unha portada lateral románica cun tímpano extraordinario.
A ruta atravesa a aldeíña despoboada de Santo Tomé. Unha tristura! No medio dunha zona fértil e con casas que se ve que foron ricas, non debería estar invadida polos silveiros. Galicia e o destino que lle impoñen (e toleramos)...
Outro punto destacado é a fortaleza e pazo de Amarante. Unha casa soarega da familia Noguerol, condes de Amarante, fundada no século XIII. Na páxina do Concello de Antas: http://www.concellodeantas.org/web/monumentos/fortaleza-castro-amarante/
hai ampla información sobre este monumento. A aldea circundante tamén está nun penoso estado de abandono.
A mor parte do percorrido vai por piso de terra. Hai un treito alcatroado para chegar a Santo Tomé (en partes xa desaparecido polo abandono) e o último quilómetro tamén descorre pola beira da estrada N-640. Todo o trazado está perfectamente transitable e limpo. Debido a que parte alta vai descuberta, pode non ser a ruta idónea para días de moi mal tempo ou tampouco de forte raxeira. Polo demais paréceme levadeira para moita xente, con tal de ter unha mediana forma física e práctica de camiñar.
Ruta recomendable, en fin.
Waypoints
Intersection
2,676 ft
Dereita e viraventos
Impresionantes este aparellos. Estes son dos "pequenos", imaxinemos os monstros que queren (van) instalar agora.
You can add a comment or review this trail
Comments