Castro de Marce- Fervenza de Augascaídas(Pantón)
near Marce, Galicia (España)
Viewed 70 times, downloaded 1 times
Trail photos
Itinerary description
Saimos da aldea de Marce, no concello de Pantón e fomos primeiro ata o Miradoiro das Marabillas pero non poidemos ver marabilla ningunha xa que había unha densa néboa que o cubría todo.
Demos a volta outra vez ata a saída e pillamos un carreiro pegado ao anterior que dicía " Fervenza de Augascaídas" pero antes de ir á fervenza tomamos un desvío para ir ata o Castro de Marce. O fermoso camiño para chegar e o entorno marabilloso no medio dun sobreiral no que se atipa p castro, ben merece esta visita.
Volvemos sobre os nosos pasos e baixamos á espectacular cascada.
Despois de aquí, habería que volver a subir e, ao pouco, cruzar o río pero, como xa expliquei, esto foi imposible así que buscamos unha alternativa: fomos ata a entrada á fervenza que hai pola estrada e chegados a este punto, collemos á esquerda volvendo por estrada e en menos de un km.chegamos de novo ao punto de partida.
Waypoints
Antiga escola de Marce
Sufragada por emigrantes, aínda podemos ler nunha placa: " Residentes de Marce en Buenos Aires". Fundada el 25 de abril de 1920"
Castro de Marce
Castro situado nun promontorio sobre o Miño rodeado de lendas e misterios. Dise que foi o berce dos xacios(metade home e metade peixe) e das xacias ( metade muller e metade peixe) Dise que saían das augas do Miño e namoraban aos barqueiros.
Fervenza de Augacaída
Formada polo rego de Aguianza xusto antes de desembocar no Miño, salvando un desnivel de case 40m. de altura.
Non podemos cruzar
Neste punto debería haber unha ponte para cruzar o río pero debeuna levar a forza da auga debido ao moito que choveu estes días. Tivemos que dar a volta e buscar unha alternativa.
Marce
Marce pertence á parroquia de Vilar de Ortelle. No 1952 Marce contaba cunha escola, unha tenda, unha matrona, barbeiro, ferreiro, muíño e costureira. Chegou a ter ata 500 habitantes. Na actualidade, viven aí unhas 15 persoas.
You can add a comment or review this trail
Comments