Circuito en torno al Tambre (Oroso)

Esta ruta está feita seguindo a proposta do libro "Rutas de Senderismo", publicado polo xornal "La Voz de Galicia".
Transcorre entre os límites dos concellos de Oroso e Santiago de Compostela, polas marxes do río Tambre a seu paso polas cercanías de Sigüeiro, a capital municipal de Oroso.
Comezamos a camiñar na ponte medieval de Sigüeiro, sobre a estrada N-550, e imos a procura da beira esquerda do río. Os primeiros metros coinciden co Camiño Inglés, pasando pola igrexa de Barciela. Buscamos de novo o Tambre, pasando polo rego de Muíño e andando por un amplo camiño chegaremos a área de lecer O Refuxio, que áchase nunha ínsua accesible mediante unha pasarela e unha pontella.
Proseguimos pola beira que víñamos, pola mencionada pista un tanto monótona ata acadar a Ponte Nova de Piñeirón e ao outro lado do Tambre, se fóramos estrada arriba e logo a esquerda por riba da urbanización Porto Avieira, chegaríamos a igrexa de Gándara, pero nos abandonamos no primer desvío a esquerda unha vez pasada a ponte. Coincidiremos a partires de aquí co treito ribeireño do sendeiro sinalizado Ruta do Tambre e que seguiremos pola beira do río ata o final.
Imos agora a certa distancia das ribeiras do Tambre durante uns dous quilómetros ata que pasamos diante da recepción do campo de golf, onde viramos a esquerda buscando o río de novo.
Pasada a urbanización, encontrámonos coa área de lecer de Penateixa con mesas e árbores. A medio quilómetro atopámonos con outra zona de descanso: O Refuxio, que xa visitamos entrando desde a outra beira, no camiño de ida. Esta área tamén conta con mesas, abondosas árbores e praia fluvial.
Seguimos augas abaixo, ignorando o desvío hacia o interior da Ruta do Tambre, e entre piñeiros, carballeiras e prados acadamos o punto de saída en Ponte Sigüeiro.