Circular Castro Lupario, Pazo Faramello e Río Sar

Esta ruta esta baseada na "Ruta do Castro Luparioe Rìo Sar", ampliada uns quilómetros para acercarnos e ver o Pazo do Faramello e a Ponte medieval de un só arco “Ponte Paradela” que une os lugares de Francos e Xinzo, situada sobre o Río Tinto, e tamén o Castro Lupario.
Iniciámola na carballeira do Santo Arandel, entre os lugares de Chaves de Ponte e Beca, continuando por Xinzo e dirixíndonos cara a Santa María de Ribasar, no Concello de Rois, onde atopamos o Pazo do Faramello e a continuación a Ponte Paradela.
O primeiro en visitar foi o Pazo do Faramello. Fixémolo polos arredores, onde atopamos o Xardín do Recordo (24-VII-2013) en memoria das víctimas do accidente do tren Alvia. Para entrar no Pazo, fai falta concertar unha cita, que logo de pagar oito euros, nos ensinarán o interior, con convite a unhas copas de viño, segundo nos informaron uns operarios que estaban neses momentos traballando no terreo.

O seguinte que nos atopamos é a Carballeira de Francos no Concello de Teo, onde se celebra todos os anos o 11 de novembro, a feira cabalar do San Martiño, paso dos peregrinos cara a Santiago.

Logo a continuación atopamos a Ponte medieval dos Mouros ou de Paradela, que por certo, limpa de maleza, recentemente acondicionada.

Non podemos dicir o mesmo do Castro de Lupario, totalmente rodeado de maleza, os toxos impiden chegar ata a muralla, temos que conformarnos con vela de lonxe. Por un camiño tamén cheo de maleza, logramos chegar a un lugar onde se pode ver un montón de pedras, acompañadas de varios carballos. Intentamos chegar polo medio de toda a maleza, para ver se lograbamos chegar ata onde se encontra a muralla que tan ben se vía no cartel que o anuncia. Unha pena que se encontre no estado no que o atopamos, esperemos que algún ou varios concellos se preocupen moito máis de axeitar os sendeiros polos que nos gusta tanto camiñar.

Un paseo pola beira do Río Sar nos leva a xantar ao lugar de Sabañáns en Bastabales, no “ Restaurante Parrillada O Padriño” . Un excelente e abundante menú con unha moi boa atención e rapidez en servirnos.

Pola tarde, un pouco de asfalto e un pequeno traxecto ata o inicio de esta agradable ruta.

Tempo en movemento: 4 horas, 46 minutos
Media en movemento: 4,8 km/h.