Circular Cerdedelo (Laza) - Porto Camba (Castrelo do Val)
near Cerdedelo, Galicia (España)
Viewed 62 times, downloaded 2 times
Trail photos
Itinerary description
Camiñada xeitosa pola zona da Serra Seca (denominación que non sei se aparece nos mapas). Feita seguindo esta de María X. Blanco: https://gl.wikiloc.com/rutas-sendeirismo/cerdedelo-portocamba-96937829
A ruta comeza an Cerdedelo (Laza) e vai ata Portocamba (Castrelo do Val), aínda que podería facerse ao revés. Decorre a través de pistas agás un anaquiño chegando a Portocamba, que vai a valmonte pero por unha zona perfectamente transitable e evidente. Non é un trazado sinalizado, polo que é moi indicado guiarse cun GPS.
A andada permite coñecer algo máis esta zona montuosa alonxada dos "centros de interese" típicos. A aldea de Cerdedelo ten un bo tamaño e debeu ser xa de tempo atrás rica. Conserva algunha mostra das construcións tradicionais que eran de boa factura e grandes. Unha mágoa que as novas casas non conservasen a estética dun lugar tan fermoso. No medio da aldea está a igrexa; monolítica, grande, sen ocos de iluminación... Pola aldea vemos algúns exemplos de habitacións construídas sobre as rúas; un acertado aproveitamento do espazo, pero tamén unha utilidade común por ser un espazo cuberto de uso público.
Conforme nos alonxamos de Cerdedelo (por unha pista de cemento para as obras do AVE, agresiva co entorno) obtemos unha excelente panorámica sobre a mesma e a masa de arboredo foliáceo que a rodea. A seguir, a ruta decorre por entre piñeiros de "repoboación" e monte autóctono ata Portocamba.
Portocamba é unha pequena aldea, construída linealmente ao longo dunha rúa, aínda que con algún recanto transversal. Está ben máis abandonada que Cerdedelo. Porén "conserva" relativamente máis elementos tradicionais. Chama a atención a igrexa, feita con pedra do país, rodeada polo cemiterio vello (hai un novo cerca da aldea) no que aínda están as lápidas antigas de lousa do país. Algo moi curioso. Tamén hai, na parede do templo, unha placa afagadora para o Cardeal Quiroga Palacios, que foi cura nesta parroquia...
A volta faise por camiños máis ou menos paralelos aos de ida e, no punto máis alto, teremos unha boa panorámica dende a zona das Portelas, o Larouco, o Val, ata a parte de Toro, etc.
Na parte final da baixada pasamos a carón da capela da Penatallada e da rocha que lle dá nome. Neste lugar celébrase unha romaxe a finais de maio.
Ruta interesante, con belas paisaxes, aldeas chamadoras e un equilibrado punto de dificultade constituído, máis que nada, polo desnivel acumulado. É bastante descuberta, polo que é desaconsellable para días de mal tempo. Non hai fontes no camiño. En Cerdelo s,i pero en Portocamba non vin.
A ruta comeza an Cerdedelo (Laza) e vai ata Portocamba (Castrelo do Val), aínda que podería facerse ao revés. Decorre a través de pistas agás un anaquiño chegando a Portocamba, que vai a valmonte pero por unha zona perfectamente transitable e evidente. Non é un trazado sinalizado, polo que é moi indicado guiarse cun GPS.
A andada permite coñecer algo máis esta zona montuosa alonxada dos "centros de interese" típicos. A aldea de Cerdedelo ten un bo tamaño e debeu ser xa de tempo atrás rica. Conserva algunha mostra das construcións tradicionais que eran de boa factura e grandes. Unha mágoa que as novas casas non conservasen a estética dun lugar tan fermoso. No medio da aldea está a igrexa; monolítica, grande, sen ocos de iluminación... Pola aldea vemos algúns exemplos de habitacións construídas sobre as rúas; un acertado aproveitamento do espazo, pero tamén unha utilidade común por ser un espazo cuberto de uso público.
Conforme nos alonxamos de Cerdedelo (por unha pista de cemento para as obras do AVE, agresiva co entorno) obtemos unha excelente panorámica sobre a mesma e a masa de arboredo foliáceo que a rodea. A seguir, a ruta decorre por entre piñeiros de "repoboación" e monte autóctono ata Portocamba.
Portocamba é unha pequena aldea, construída linealmente ao longo dunha rúa, aínda que con algún recanto transversal. Está ben máis abandonada que Cerdedelo. Porén "conserva" relativamente máis elementos tradicionais. Chama a atención a igrexa, feita con pedra do país, rodeada polo cemiterio vello (hai un novo cerca da aldea) no que aínda están as lápidas antigas de lousa do país. Algo moi curioso. Tamén hai, na parede do templo, unha placa afagadora para o Cardeal Quiroga Palacios, que foi cura nesta parroquia...
A volta faise por camiños máis ou menos paralelos aos de ida e, no punto máis alto, teremos unha boa panorámica dende a zona das Portelas, o Larouco, o Val, ata a parte de Toro, etc.
Na parte final da baixada pasamos a carón da capela da Penatallada e da rocha que lle dá nome. Neste lugar celébrase unha romaxe a finais de maio.
Ruta interesante, con belas paisaxes, aldeas chamadoras e un equilibrado punto de dificultade constituído, máis que nada, polo desnivel acumulado. É bastante descuberta, polo que é desaconsellable para días de mal tempo. Non hai fontes no camiño. En Cerdelo s,i pero en Portocamba non vin.
Waypoints
You can add a comment or review this trail
Comments