CIRCULAR DE PONTEVEA. GOZA DO ULLA 2017 (TEO)
near Puentevea, Galicia (España)
Viewed 2457 times, downloaded 78 times
Trail photos
Itinerary description
Ruta inédita que une os tres enclaves de referencia da ribeira teense do Ulla: A Burga de Xermeade, a Ponte Medieval de Pontevea e o Couto de Pesca de Couso. Un percorrido circular de 8 km que aproveita as recuperadas sendas fluviais e antigos camiños de ribeira deste treito final do río Ulla o que nos permite contemplar o seu interesante patrimonio natural e cultural asociado á auga (muíños, fontes, pesqueiras, lavadoiros, etc).
O punto de partida é o coñecido manancial de augas sulfurosas, cloruradas e sódicas da Burga de Xermeade de gran sona en toda a comarca polas súas propiedades mineiro – medicinais. Ó seu carón fican os restos do antigo balneario, hoxe en ruínas, situado entre carballos e sobreiras centenarias.
Porén, o gran protagonista desta ruta é a histórica ponte medieval de Pontevea, emblema dos concellos de Teo e A Estrada, e que une as provincias da Coruña e Pontevedra. Unha construción de transición románica – oxival (s. XIV – XV) de 80 metros de lonxitude, case 11 metros de altura e 2,50 de ancho, que conta con seis arcos apoiados en cinco grandes piares. A pesar dos avatares históricos que viviu e das fortes crecidas do Ulla segue a manter a súa fisionomía orixinal.
Tras cruzar a ponte, seguiremos a ruta pola beira teense onde os camiños atravesan pequenas carballeiras e interesantes masas de arboredo de ribeira ata chegar á confluencia do río Santa Lucía. Dende este punto, camiñaremos polas recuperadas sendas de pescadores ata acceder á area de lecer do Xirimbao e o Couto de Pesca de Couso, un dos máis apreciados coutos salmoneiros de Galicia polo que pasaron ilustres “pescadores” como o caudillo Francisco Franco e o escritor estadounidense, Ernest Hemingway. Entre as infraestruturas do Couto de Pesca destacan dúas edificacións dos anos sesenta, o refuxio de pescadores e a emblemática Ponte Colgante de Mariola, así chamada polo seu deseñador, o enxeñeiro José Darque, na honra a unha familiar de nome Mariola Pavés.
Logo de cruzar a oscilante ponte, regresamos a Pontevea pola beira estradense, onde salienta a presenza dunha das casas señoriais máis antigas do concello, O Pazo de Maíndo, último vestixio das antigas casas – fortalezas que existiron nesta zona do Ulla, e que pertenceu a grandes liñaxes da nobreza galega como os Bendaña, Castro, Reino e Ximonde, como así testemuñan os seus antigos brasóns situados nas portas de acceso e fachadas principais deste caserón da parroquia de Santa María de Couso. As reformas dos Ximonde transformaron esta antiga construción militar nunha casa grande na que os seus administradores coidaban e xestionaban as antigas pesqueiras do Conde.
No derradeiro treito pola ribeira estradense tamén podemos observar os pequenos illotes que canalizan as augas do río, así como pequenos areais e praias fluviais en proceso de recuperación para a súa futura valorización social.
Esta ruta foi posible grazas ó traballo realizado nestes últimos meses pola Asociación Entre As Pontes en colaboración co Concello de Teo. Trátase só dunha primeira fase de recuperación dos antigos camiños e sendas fluviais que terá continuidade nos vindeiros anos ata lograr acondicionar e consolidar unha senda que cumpra coa vella arela dos veciños de Pontevea de contar cun espazo para o lecer ás beiras do Ulla e asemade mellorar a acollida dos posibles visitantes.
O punto de partida é o coñecido manancial de augas sulfurosas, cloruradas e sódicas da Burga de Xermeade de gran sona en toda a comarca polas súas propiedades mineiro – medicinais. Ó seu carón fican os restos do antigo balneario, hoxe en ruínas, situado entre carballos e sobreiras centenarias.
Porén, o gran protagonista desta ruta é a histórica ponte medieval de Pontevea, emblema dos concellos de Teo e A Estrada, e que une as provincias da Coruña e Pontevedra. Unha construción de transición románica – oxival (s. XIV – XV) de 80 metros de lonxitude, case 11 metros de altura e 2,50 de ancho, que conta con seis arcos apoiados en cinco grandes piares. A pesar dos avatares históricos que viviu e das fortes crecidas do Ulla segue a manter a súa fisionomía orixinal.
Tras cruzar a ponte, seguiremos a ruta pola beira teense onde os camiños atravesan pequenas carballeiras e interesantes masas de arboredo de ribeira ata chegar á confluencia do río Santa Lucía. Dende este punto, camiñaremos polas recuperadas sendas de pescadores ata acceder á area de lecer do Xirimbao e o Couto de Pesca de Couso, un dos máis apreciados coutos salmoneiros de Galicia polo que pasaron ilustres “pescadores” como o caudillo Francisco Franco e o escritor estadounidense, Ernest Hemingway. Entre as infraestruturas do Couto de Pesca destacan dúas edificacións dos anos sesenta, o refuxio de pescadores e a emblemática Ponte Colgante de Mariola, así chamada polo seu deseñador, o enxeñeiro José Darque, na honra a unha familiar de nome Mariola Pavés.
Logo de cruzar a oscilante ponte, regresamos a Pontevea pola beira estradense, onde salienta a presenza dunha das casas señoriais máis antigas do concello, O Pazo de Maíndo, último vestixio das antigas casas – fortalezas que existiron nesta zona do Ulla, e que pertenceu a grandes liñaxes da nobreza galega como os Bendaña, Castro, Reino e Ximonde, como así testemuñan os seus antigos brasóns situados nas portas de acceso e fachadas principais deste caserón da parroquia de Santa María de Couso. As reformas dos Ximonde transformaron esta antiga construción militar nunha casa grande na que os seus administradores coidaban e xestionaban as antigas pesqueiras do Conde.
No derradeiro treito pola ribeira estradense tamén podemos observar os pequenos illotes que canalizan as augas do río, así como pequenos areais e praias fluviais en proceso de recuperación para a súa futura valorización social.
Esta ruta foi posible grazas ó traballo realizado nestes últimos meses pola Asociación Entre As Pontes en colaboración co Concello de Teo. Trátase só dunha primeira fase de recuperación dos antigos camiños e sendas fluviais que terá continuidade nos vindeiros anos ata lograr acondicionar e consolidar unha senda que cumpra coa vella arela dos veciños de Pontevea de contar cun espazo para o lecer ás beiras do Ulla e asemade mellorar a acollida dos posibles visitantes.
Waypoints
Tree
95 ft
Carballo centenario
Information point
131 ft
Cruce
Acceso a senda da Ribeira
Information point
98 ft
Escadas
Waypoint
144 ft
Inicio paseo do Xirimbao
Waypoint
154 ft
LAVADEIRO
Waypoint
115 ft
Ponte Medieval de Pontevea
Ponte Medieval no linde entre as provincias da Coruña e Pontevedra
Waypoint
82 ft
Pontella provisional
Waypoint
89 ft
Praia de Copacabana
Waypoint
69 ft
Praíña
You can add a comment or review this trail
Comments