Circular dende A Cruz por Cristosende. A Teixeira
near Lumeares, Galicia (España)
Viewed 23 times, downloaded 0 times
Trail photos
Itinerary description
Clásica ruta pola Teixeira, gozando das marabillosas vistas do Canón do Mao e do Sil, pero non só.
Comeza no lugar da Cruz, por ver esta fermosa aldeíña e o seu magnífico cruceiro* e tamén por non rematar nun punto máis alto como pode ser a capitalidade do municipio. Temos unha engaiolante panorámica cara o Castro e os vales do seu sopé.
O núcleo da Teixeira, probablemente non moi coñecido, ten elementos arquitectónicos austeros pero moi atractivos. Conserva bastante ben a tipoloxía popular.
Dende a vila, a ruta vai por un camiño tradicional ata a aldea de Cristosende que mostra tamén uns bonitos exemplos de construción tradicional. Dende aquí xa se goza dunha ampla panorámica do canón do Sil.
Continuando, esta vez por entre viñas, temos o agasallo dunhas vistas de privilexio cara o Mao e o Sil. Non cansa un de ver estes lugares.
Logo de baixar ata perto (relativamente) da embocadura do Mao no Sil, seguimos unha boa pista que vai gañando pouco a pouco altura para devolvernos cara os vales do Edo. Esta parte vai por entre bosque mixto bastante ben conservado. (Aquí a aplicación fallou e sae non track unha liña recta. Non hai perda, en todo caso: só é seguir a pista).
Pola zona de Fontao volvemos mirar cara o Castro de Caldelas e o val do Edo e a Abeleda. Xa só queda subir por uns encantadores carrouchos polo medio das viñas ata o punto de partida/fin.
Como o percorrido se fai nunha duración moderada, aínda dá tempo de ir xantar de prato na Teixeira.
Todos os camiños están escrupulosamente limpos. Hai sinalización pero é mellor levar o GPS porque existen outras rutas alternativas que combinan. Xa cadaquén se debe organizar. O resto de consellos son os básicos: indumentaria e calzado, levar auga e alimentación, prever a climatoloxía...
*O cruceiro da Cruz, de 1766, sitúase sobre unha plataforma de tres chanzos. Na base da columna vense imaxes alegóricas á paixón de Cristo como o martelo, as tenaces ou a escada; o capitel ten formas vexetais, xeomórficas e antropomórficas e sobre elas un Cristo crucificado mirando ao sur e a Virxe María orando cara o norte. Debido a unha serie de liñas xeométricas no chan arredor do cruceiro, créese que puido utilizarse como reloxo solar. (https://turismo.ribeirasacra.org/gl/conxunto-arquitectonico-de-lumeares)
Comeza no lugar da Cruz, por ver esta fermosa aldeíña e o seu magnífico cruceiro* e tamén por non rematar nun punto máis alto como pode ser a capitalidade do municipio. Temos unha engaiolante panorámica cara o Castro e os vales do seu sopé.
O núcleo da Teixeira, probablemente non moi coñecido, ten elementos arquitectónicos austeros pero moi atractivos. Conserva bastante ben a tipoloxía popular.
Dende a vila, a ruta vai por un camiño tradicional ata a aldea de Cristosende que mostra tamén uns bonitos exemplos de construción tradicional. Dende aquí xa se goza dunha ampla panorámica do canón do Sil.
Continuando, esta vez por entre viñas, temos o agasallo dunhas vistas de privilexio cara o Mao e o Sil. Non cansa un de ver estes lugares.
Logo de baixar ata perto (relativamente) da embocadura do Mao no Sil, seguimos unha boa pista que vai gañando pouco a pouco altura para devolvernos cara os vales do Edo. Esta parte vai por entre bosque mixto bastante ben conservado. (Aquí a aplicación fallou e sae non track unha liña recta. Non hai perda, en todo caso: só é seguir a pista).
Pola zona de Fontao volvemos mirar cara o Castro de Caldelas e o val do Edo e a Abeleda. Xa só queda subir por uns encantadores carrouchos polo medio das viñas ata o punto de partida/fin.
Como o percorrido se fai nunha duración moderada, aínda dá tempo de ir xantar de prato na Teixeira.
Todos os camiños están escrupulosamente limpos. Hai sinalización pero é mellor levar o GPS porque existen outras rutas alternativas que combinan. Xa cadaquén se debe organizar. O resto de consellos son os básicos: indumentaria e calzado, levar auga e alimentación, prever a climatoloxía...
*O cruceiro da Cruz, de 1766, sitúase sobre unha plataforma de tres chanzos. Na base da columna vense imaxes alegóricas á paixón de Cristo como o martelo, as tenaces ou a escada; o capitel ten formas vexetais, xeomórficas e antropomórficas e sobre elas un Cristo crucificado mirando ao sur e a Virxe María orando cara o norte. Debido a unha serie de liñas xeométricas no chan arredor do cruceiro, créese que puido utilizarse como reloxo solar. (https://turismo.ribeirasacra.org/gl/conxunto-arquitectonico-de-lumeares)
Waypoints
You can add a comment or review this trail
Comments