Circular Meirama – PR-G 130 + Cumio do Xalo + Pedra Mazafacha
near Meirama, Galicia (España)
Viewed 852 times, downloaded 16 times
Trail photos
Itinerary description
Os montes do Xalo están sitos, nunha orientación leste-oeste, ente os concellos de Culleredo, Carral e Cerceda. Mentres que a cara norte da serra é considerablemente escarpada, poboada cunha vexetación de tipo arbóreo; a cara sur pola que esta ruta ascende ata o cumio do Monte Xalo é un terreo moito máis chan e dominado por pardos e matogueiras.
O camiño é sinxelo de percorrer, transcorrendo case sempre por terreo amplo aínda que sen moitos adobíos que a fagan de gran interese. Comeza na Igrexa de Santo André de Meirama, que data da décimo segunda centuria e que probablemente sexa o monumento de maior interese. A partires de aí comeza unha subida de non moita pendente ata chegar a unha devasa pola que continúa o trazado do sendeiro. É precisamente nese intre cando nos atopamos moi preto da Pedra de Santa Marta, que serve de actual división entre os tres concellos. Tamén alí preto, e sinalado cun punto de referencia, atópase o nacemento do río Anllóns, que baña as terras de Bergantiños.
Unha vez no cortalumes, decidimos separarnos do trazado orixinal (atopándose a separación e o retorno debidamente sinalados no mapa) para engadir dous puntos de interese ao trazado: a cúspide do Xalo e mais a pedra Mazafacha. No alto do Xalo podemos ver un conxunto de pedras nas que sobresae o penouco do Petón do Xalo e a uns cen metros está o cumio do Xalo inzado de antenas, desde onde se poden ter unhas boas panorámicas se o día o permite. De seguido iníciase a baixada transitando pola urbanización do Castelo, onde poderemos visitar a pedra Mazafacha, que antes da última división territorial servía de división entre os tres devanditos municipios.
De volta ao itinerario este non nos sorprende con moito máis agás co nacemento do río Dorna e cunhas vistas á central de Meirama así como ao lago das Encrobas. A ruta comparte un tramo da baixada coa subida, e volvemos á Igrexa de Santo André onde remata o percorrido.
O camiño é sinxelo de percorrer, transcorrendo case sempre por terreo amplo aínda que sen moitos adobíos que a fagan de gran interese. Comeza na Igrexa de Santo André de Meirama, que data da décimo segunda centuria e que probablemente sexa o monumento de maior interese. A partires de aí comeza unha subida de non moita pendente ata chegar a unha devasa pola que continúa o trazado do sendeiro. É precisamente nese intre cando nos atopamos moi preto da Pedra de Santa Marta, que serve de actual división entre os tres concellos. Tamén alí preto, e sinalado cun punto de referencia, atópase o nacemento do río Anllóns, que baña as terras de Bergantiños.
Unha vez no cortalumes, decidimos separarnos do trazado orixinal (atopándose a separación e o retorno debidamente sinalados no mapa) para engadir dous puntos de interese ao trazado: a cúspide do Xalo e mais a pedra Mazafacha. No alto do Xalo podemos ver un conxunto de pedras nas que sobresae o penouco do Petón do Xalo e a uns cen metros está o cumio do Xalo inzado de antenas, desde onde se poden ter unhas boas panorámicas se o día o permite. De seguido iníciase a baixada transitando pola urbanización do Castelo, onde poderemos visitar a pedra Mazafacha, que antes da última división territorial servía de división entre os tres devanditos municipios.
De volta ao itinerario este non nos sorprende con moito máis agás co nacemento do río Dorna e cunhas vistas á central de Meirama así como ao lago das Encrobas. A ruta comparte un tramo da baixada coa subida, e volvemos á Igrexa de Santo André onde remata o percorrido.
Waypoints
Waypoint
1,620 ft
Petón do Monte Xalo
O monte Xalo é un dos cumios máis altos da zona litoral coruñesa, cunha altitude de 514 metros sobre o nivel do mar, que está no leste e aliñado coa meseta de Santa Comba.
Waypoint
1,677 ft
Antenas
Waypoint
1,657 ft
Derivación do PR-G 130
Waypoint
752 ft
Santo André de Meirama
A igrexa de Santo André de Meirama foi construída no século XII e reformada en 1720. Conserva unha cruz antefixa na parte medio-posterior da igrexa.
Waypoint
1,568 ft
Nacemento do río Dorna
Waypoint
1,604 ft
Estanque
Waypoint
1,550 ft
Volta ao PR-G 130
Waypoint
1,286 ft
Nacemento do río Anllóns
You can add a comment or review this trail
Comments