Circular per Cuadonga - Vega Orandi - Los LLagos - Vega Comeya - Cruz de Priena - Cuadonga.

Cuadonga - Pel GR-PNPE 202 (Ruta de la Reconquista) hasta'l mayáu Fana pasando per: viesca La Matona, Colláu d'Orandi, cuevona-sumidoriu del ríu Les Mestes, Vega Orandi, campu l'Escobiu, Mayáu Les Mestes, panda'l Pandal, restos del mayáu Severín, vega Les Travieses, colláu'l Sellón, vega Fondos y mayáu Fana. Equí dexamos el GR-PNPE 202 y per un pindiu prau llegamos a la carretera los LLagos que vamos bordiando un pequeñu tramu - Separámosmos de la carretera y al llau de los contrafuertes de La Porra d'Enol llegamos al llagu del mesmu nome - Pista a Pan de Carmen - Senderu PR-PNPE-2 - Mayáu Bricial a la vera del llagu estacional - Mayáu y fonte Les Reblagues - Llagu Ercina - Bordiamos el llagu pela izquierda hasta'l Campu La Tiese - Camín a mines de Buferrera - Canal l'Escaleru - Túnel del Furacu - Vega Comeya - Colláu Uberdón - Un km escasu pela carretera Los LLagos (El tramu La Güesera) - Senderu pela lladera oeste de xerra Mala - Mayáu Tarañodios - Cuesta La Cárcova - Cuesta Cavia - Colláu Pasaderu - Picu Priena - Baxada a Cuadonga pel senderu Cuesta Ginés - Cuadonga.

Los 26 kilómetros y mediu del percorríu y los pindios tramos qu'atopamos son casi les úniques dificultaes del percorríu.
Digo casi porque hai dalgún trechu onde la maleza, escayos y cotoyes sobre too, faen difícil l'andar y siguir el senderu. Lo peor del camín, pola cantidá de broza, ye ente'l mayáu Tarañodios y el colláu Posaderu.
Tamién cuesta un poco atopar l'entamu'l senderu dende la carretera los LLagos a la lladera de xerra Mala. Una vez en él ye un tramu perguapu.

(Anque toes son de la ruta, munches de les semeyes nun se correspuenden colos llugares de los waypoints).

Esti track y les informaciones son consideraciones propies.
Debe tenese en cuenta que les siendes y caminos, col pasu del tiempo, cambien y xeneramente empeoren pol aumentu de broza y maleza. La perda y zarru de caminos ye dalgo que tolos qu’andamos pel monte conocemos bien.
Pensamos que la mejor manera de hacer una ruta que desconocemos ye estudiar varios track y elexir los más recientes. Si puede ser más de uno y que se asemeyen.
Les condiciones meteorolóxiques, la borrina por exemplu, siempre deben tenese en cuenta.
Tamién ye perimportante la preparación física y téunica de la xente que realice el percorríu.
La nuesa intención ye ayudar a facer una ruta que a nós mos prestó. Nun garantizamos que’l camín que suxerimos seya la meyor opción. Por todo ello nun mos facemos responsables de fechos que puedan ocasionar dalgún accidente o trestornu.