Circular Pico Teleno - Montes de León 10/10/2021

Ruta circular que nos achega ao cumio do mítico Teleno (2.188 m) continuando cara o pico da Peña Negra (2.047 m) e voltando nunha baixada continua que percorre pequenos vales ata regresar ao punto de partida.

INICIO
Saíndo de Ponferrada collemos a estrada LE-CV-192/21 en direción Peñalba de Santiago. Chegando ao cruce de Peñalba seguimos rectos cara ao Porto dos Portinillos, onde empeza a baixada en direción a Corporales. Cando cheguemos á unha ponte sobre o río e vemos unha zona de aparcadoiro podemos deixar o coche. A ruta comenza alí mesmo.

DESCRIPCIÓN
Imprescindible o GPS por canto a ruta non ten sinalización, agás algúns hitos de pedras. Collemos uns metros pola pista que sae da ponte e axiña comenzamos a subir por un camiño cheo de xestas que nos levará directos ao cumio. Son catro kilómetros subindo sen parar, de forte desnivel. Canto máis nos achegamos máis despexado será o camiño, trocando xestas por pedras. As vistas espectaculares. O Pico do Teleno está collendo á esquerda cando alcancemos o cordal. A paisaxe que podemos ollar dende aquí é sinxelamente impresionante; pódese contemplar tanto a comarca da Cabrera como a Maragatería. Lembremos que estamos no pico máis alto dos Montes de León. Voltaremos sobre as nosas pegadas e camiñaremos por unha longa e casi continua pedreira ata a Peña Negra. Continuamos cresteando por pedras ata chegar a un cortalumes cunha forte e longa baixada ata chegar á pista que nos levará directamente ao final da ruta. O val que vemos á esquerda (vertiente norte do Teleno) durante a baixada é un campo de tiro do exército. A partires do cruce onde acaba o cortalumes so queda seguir a pista, ainda que pode facerse algo monótona pola distancia que aínda queda ata o final.

RESUMO
Pensamos que o Teleno é unha ruta imprescindible para os afeccionados á montaña (opinión moi consensuada). Eleximos (coma casi sempre que se pode) unha ruta circular, que non oculta un desnivel de 1.000 metros, unido a un percorrido total de 20 km e sen apenas árbores. Pode ser unha ruta complicada tanto no inverno como no verán. Polo tanto calificamos a ruta como moderada aínda que necesaria para os amantes da montaña.