Circular polos muíños do Umia e do Barosa. Caldas de Reis.
near Caldas de Reis, Galicia (España)
Viewed 55 times, downloaded 2 times
Trail photos
Itinerary description
A ruta comeza/remata no centro de Caldas e, a través do Xardín Botánico encamíñase polo paseo do Umia. Este é un treito moi agradable con elementos que van chamando a nosa atención: pontellas, vellas hortas (hoxe abandonadas a mor parte), muíños (algúns convertidos en merendoiros, outros ruinosos), unha vella central eléctrica. O ámbito desa central (Eléctrica de Segade) constitúeo unha serie de fervenzas e nel están construídos varios muíños encadeados un após os outros. Na parte alta desta zona atravesamos unha ponte "romana" e aquí comeza a parte de unión entre os dous ríos. Este treito transcorre por entre touzas e atravesando tamén varias aldeas. Podemos ver interesantes elementos construídos de carácter popular (aínda que tamén mesturados con outros "modernos" de gusto opinable).
En Bouza do Rei coincidimos co río Barosa. Mediante un transitado sendeiro (máis ben dous, un de cada lado do río) comezamos a baixar cara a meta. Atopamos tamén aquí unha fermosa zona de cachóns e muíños (muíños da Barosa), así coma unha ampla área de lecer. Por suposto, ao longo do río hai establecementos onde comer e beber.
Xa na parte baixa, alcanzamos o Camiño de Santiago (Portugués) que nos devolve a Caldas.
A camiñada coincide con partes de varias rutas: Sendeiro do Umia, outra(s) marcada(s) con frechas de madeira, con marcas de pintura, o sendeiro do río Barosa e o citado de Santiago. Tamén hai partes que son camiños veciñais que non transitan rutas marcadas. Toda ela está limpa na data actual.
Non é unha camiñada dura, aínda que isto depende de para quen. En épocas de grandes cheas, podería haber dificultades para camiñar pola beira dos dous ríos, pero especialmente no Umia. Cada persoa debe informarse antes de facer calquera camiño das condicións do terreo e da meteoroloxía.
Para facela, foi de utilidade este track: https://gl.wikiloc.com/rutas-sendeirismo/pontevedra-caldas-de-reis-rio-umia-muinos-da-barosa-roteiro-uvigo-no2-2016-17-15425540?
Como "curiosidade" apuntar que á altura da aldea de Paradiva o perfil marca un "foxo" inexistente na realidade. Misterioso fallo que tamén rexistra o track doutro compañeiro camiñante. Cabe concluír que fose un fallo da cartografía ou do satélite... (?) Consecuentemente, o desnivel do percorrido é menor, en torno aos 280 metros.
En Bouza do Rei coincidimos co río Barosa. Mediante un transitado sendeiro (máis ben dous, un de cada lado do río) comezamos a baixar cara a meta. Atopamos tamén aquí unha fermosa zona de cachóns e muíños (muíños da Barosa), así coma unha ampla área de lecer. Por suposto, ao longo do río hai establecementos onde comer e beber.
Xa na parte baixa, alcanzamos o Camiño de Santiago (Portugués) que nos devolve a Caldas.
A camiñada coincide con partes de varias rutas: Sendeiro do Umia, outra(s) marcada(s) con frechas de madeira, con marcas de pintura, o sendeiro do río Barosa e o citado de Santiago. Tamén hai partes que son camiños veciñais que non transitan rutas marcadas. Toda ela está limpa na data actual.
Non é unha camiñada dura, aínda que isto depende de para quen. En épocas de grandes cheas, podería haber dificultades para camiñar pola beira dos dous ríos, pero especialmente no Umia. Cada persoa debe informarse antes de facer calquera camiño das condicións do terreo e da meteoroloxía.
Para facela, foi de utilidade este track: https://gl.wikiloc.com/rutas-sendeirismo/pontevedra-caldas-de-reis-rio-umia-muinos-da-barosa-roteiro-uvigo-no2-2016-17-15425540?
Como "curiosidade" apuntar que á altura da aldea de Paradiva o perfil marca un "foxo" inexistente na realidade. Misterioso fallo que tamén rexistra o track doutro compañeiro camiñante. Cabe concluír que fose un fallo da cartografía ou do satélite... (?) Consecuentemente, o desnivel do percorrido é menor, en torno aos 280 metros.
Waypoints
Monument
708 ft
Cruceiro
O entorno do monumento podía ser máis bonito. Eses cables non deberían estar aí!
You can add a comment or review this trail
Comments