Circular 'Santalla de Pascais'
near Samos, Galicia (España)
Viewed 670 times, downloaded 27 times
Trail photos
Itinerary description
En termos xerais comeza polo sendeiro paralelo á estrada LU-633 que abandona ao chegar á Pontenova onde colle un extraordinario sendeiro que sube ata Santalla de Pascais onde disfrutaremos dunha paisaxe espectacular e dun dos templos máis senlleiros de Samos.
De volta tomamos a estrada que nos levará ata Pascais: pisaremos asfalto pero unha pequena estrada que se está a converter en camiño cun entorno moi agradable e representativo do bosque tradicional galego.
Continuamos ata voltar a tomar a LU-633 para ir a Teiguín, este camiño terá varias opcións que vos comentamos na descrición polo miúdo. Retomamos o sendeiro que utilizamos para saír de Samos e voltaremos tras máis ou menos dunha hora e media.
A ruta é apta para todos os públicos, pero non é viable levar carritos de nenos nin outros, para bicis é viable aínda que a subida a Santalla é moderada.
IMPORTANTE: en inverno trae botas, hai camiño con auga! A ruta non está sinalizada, tes que seguir a aplicación.
-𝗟𝗘𝗠𝗕𝗥𝗔-
- Antes e saír mira que non te atopes mal ou que pensas que o vas pasar mal, esto non é batir récords, é gozar e non condicionar a ninguén.
- 𝗥𝗘𝗦𝗣𝗘𝗖𝗧𝗔 𝗔 𝗡𝗔𝗧𝗨𝗥𝗘𝗭𝗔: non fagas ruído, non deixes lixo, nin televes nada: nin unha rama xa que teñen a súa función sempre.
- 𝗥𝗘𝗦𝗣𝗘𝗧𝗔 𝗔 𝗣𝗥𝗢𝗣𝗜𝗘𝗗𝗔𝗗𝗘 𝗣𝗥𝗜𝗩𝗔𝗗𝗔: non podes abandonar os camiños, lembra que a túa liberdade pasa por respectar os espazos dos demáis.
- 𝗟𝗘𝗩𝗔 𝗦𝗘𝗠𝗣𝗥𝗘: auga, algo de comida, o móbil cargado, protección para o frío ou a choiva e a calor, un mínimo botiquín, unha bolsa para recoller o teu lixo e o dos demáis, ... e se a ruta é longa unha muda de roupa e unha manta térmica.
Waypoints
SAÍDA DE SAMOS
Saímos diante do Supermercado Garza en Samos e imos ata atopar esta sinal que nos marca o sendeiro que nos levará en paralelo á LU-633. Escoitaremos coche pasar ao noso carón pero temos as paisaxe da zona de veigas moi fermosa que vai decorando o río que tamén nos acompaña a man esquerda.
FOXOS
Pasamos por Foxos un pequeno pobo que pertence á parroquia de Santa Xertrude, se ollamos cara a esquerda tamén veremos a aldea da Ferrería. Nestes dous pobos temos dúas casas de Turismo Rural que merecen moito a pena: O Paxar en Foxos e A Poza na Ferrería.
ÁREA RECREATIVA DE TEIGUÍN
E tras pasar Foxos chegamos a Teiguín coas suas piscinas públicas tanto a fluvial como a artificial, un espacio moi agradable para vir pasar unha tarde. Se vés no verán podes usar a piscina artificial por un módico prezo de 1 euro os adultos/as e 60 céntimos os nenos/as; un lugar ideal para vir pasar o día.
CRUCE A PONTENOVA
Xusto en frente da Pontenova temos que continuar polo Camiño de Santiago e cruzar a estrada (ATENCIÓN: MOITO COIDADO). Aquí atópase o Mesón Pontenova un dos máis antergos da comarca. Podemos facer unha paradiña técnica e tomarlle algo se vos prace!
CAMIÑO DE SANTIAGO
Só temos que seguir de fronte os sinais para ir por un sendeiro que no outono ten un manto de follas precioso.
CAMIÑO
Neste agradable Camiño atoparémonos con varios cruces, pero seguiremos sempre as indicacións do Camiño de Santiago (a frecha amarela) e fixámonos tamén nas fotos que vos poñemos, non tén perda. Debemos ter coidado porque nalgúns puntos pode haber auga acumulada no camiño, pero existen paso elevados para sortear a auga.
CAMIÑO
Neste agradable Camiño atoparémonos con varios cruces, pero seguiremos sempre as indicacións do Camiño de Santiago (a frecha amarela) e fixámonos tamén nas fotos que vos poñemos, non tén perda.
SANTALLA DE PASCAIS
Xa se adiviña Santalla de Pascais se ollamos cara a esquerda. Debemos seguir as indicacións do Camiño de Santiago que nos levan cara a esquerda por unha pequena estrada de asfalto, xa só quedan uns metros.
SANTA OLALLA DE PASCAIS
Presenta unha fábrica de boa obra románica, da que conserva a ábsida, e o lado norte, cunha porta con arco de medio punto. A nave é ampla e elevada, cuberta de augas a dúas augas. Posteriormente, uniuse ao muro sur un recinto rectangular que daba lugar á apertura de arcos de comunicación e a unha sancristía. A ábsida, de tramo recto e curvo, alberga un retablo barroco dun só corpo con tres compartimentos, faiado con fornela e columnas salomónicas con racimos. Destacan as imaxes de Santa Eulalia, a Inmaculada, San Pedro e San Benito. Moi curiosa a portada do cemiterio, aínda que non teña moito valor artístico.
VOLTA
Comezamos logo de visitar a Igrexia de Santalla de Pascais o regreso a Samos e imos facelo case todo por estrada. Cando falamos de estrada nestas latitudes temos que comprender que non son grandes, senón pequenas, incluso esta que tomamos cara Pascais a natureza lle está pasando por riba e o firme é máis ben de ruta pedregosa. Temos que ter coidado: - non volvemos tomar o Camiño de Santiago (á dereita) - no seguinte cruce á dereita tampouco. - no seguinte cruce sí que xiramos á dereita. Observemos a magnífica natureza!.
PASCAIS
E chegamos ao pobo de Pascais, unha pequena aldea de agricultores e gandeiros que ten varias representacións de arquitectura popular. Atopámonos no cruce e xiramos cara a dereita.
ESTRADA CARA TEIGUIN
Esta estrada é un pouquiño maior, e algún coche pasa, pero case ningún.
CRUCE ESTRADA DE SAMOS
Neste punto queremos ir a Teiguín (ou non), pero se imos temos varias opcións. Opción 1.- Continuar por moito coidado xirando á esquerda e ir polo arcén da estrada uns 100 metros. Opción 2.- Cruzar ao Camiño de Santiago e volver cruzar aos 100 metros. Nós decidimos a Opción 2, hoxe!.
CRUCE A TEIGUÍN
Este cruce non está sinalizado, así que debemos de ter MOITÍSIMO COIDADO.
CAPELA DE SAN DOMINGOS DE TEIGUÍN
O primeiro que nos atopamos á dereita según chegamos é a Capela de San Domingos do século XVIII, cun pequeno retablo barroco no interior adicado ao santo.
POBO DE TEIGUÍN
Para saír de Teiguín nos desviamos á esquerda polo centro do pobo, entre as casas encaramadas na ladeira, un conxunto de casas tradicionais que conforman un conxunto moi xunguido. Neste espazo atópase a Vivenda Vacacional Rural "La Casa de tu Vida" rexentada por Maruja.
POLO MESMO CAMIÑO
E xa case se nos fai de noite, cando chegamos outra vez á comarcal LUG-633, temos que cruzar, con moito coidado, e voltar a Samos polo Camiño dos Peregrimos, á altura das Piscinas Municipais (abertas no verán). Agardamos que vos gustara a ruta!!! A nós encantounos!
Comments (2)
You can add a comment or review this trail
Muchas gracias por realizar la ruta, nos gustaría que nos dijera en qué partes hay maleza porque es Camino de Santiago en casi su totalidad y debería de estar limpia. Si nos indica el tramo concreto estaríamos muy agradecidos para así avisar al ayuntamiento. Muchas gracias!
Comentario equivocado!!!
Hicimos dos rutas!!
Ese comentario corresponde a otra en el Valle de Louzara!!
Borro el comentario!!!
Esta ruta es muy fácil y no tiene nada q limpiar!!!