Comboa(Soutomaior)-Cama-do-Home-Muiños-de-Acevedo
near Soutomaior, Galicia (España)
Viewed 202 times, downloaded 6 times
Trail photos
Itinerary description
Iniciamos esta ruta a principios do mes de marzo de 2021. O punto escollido para iniciar/rematar a andaina foi o amplo aparcadoiro próximo á praia fluvial de Comboa (Soutomaior).
Nos primeiros 500 m seguimos a Ruta das Greas (GR-94). Logo collemos dirección Acevedo, pero na metade do camiño, ascendemos o Coto Becerro, tomando dirección NE. Na ladeira, atópase o punto da Rocha do Can, que actualmente está moi modificado polas obras de ensanche da pista. Desde este lugar divísase unha boa panorámica da Ría de Vigo, ata Rande, aínda que o día non estea para facer fotos.
Seguimos ascendendo hacia o Coto Agudo, atravesamos a GR-94 e iniciamos unha boa subida que nos leva á golada que separa o Couto da Fonte Laxe (490 m) da Cavada da Graña (476 m).
Chegados á divisa de augas, no medio da néboa, por unha ancha pista que descende suavemente, chegamos á Cama do Home. Este penedo, posúe na cara superior unha concavidade natural de semellanza antropomorfa. Segundo a tradición, en época precristián, as parellas que tiñan problemas de fertlidade deitábanse nese oco para solucionar o problema. Vicente Risco reseña que Manuel Murguía era coñecedor desta historia. Outro autores menores, tamén fan referencia a esta pedra.
Desgraciadamente, este penedo, ao estar nunha zona de canteira, foi cortado polos seu extremos, quedando moi reducida a súa extensión, conservando apenas o espazo do oco.
Desde este punto, baixamos ata a Cruz do Brasil e, desde alí, outra vez pola GR-94, á Ermida de Cristo Rey. Logo collemos dirección NO, ascendemos á parte alta da Fracha e, chegados ao Coto Franqueira, baixamos ao Val Escuro, onde facemos unha parada para repoñer forzas.
Desde alí seguimos descendendo e seguindo o roteiro de Pontesampaio chegamos aos muiños de Acevedo, algún deles restaurado. Atravesamos Acevedo e collemos dirección Comboa, buscando o Río Verduxo pola pista que sigue o Oleoducto. Unha vez chegados á intersección co camiño que vén de Pontesampaio, collemos cara a esquerda en dirección a Comboa, final do traxecto.
Nos primeiros 500 m seguimos a Ruta das Greas (GR-94). Logo collemos dirección Acevedo, pero na metade do camiño, ascendemos o Coto Becerro, tomando dirección NE. Na ladeira, atópase o punto da Rocha do Can, que actualmente está moi modificado polas obras de ensanche da pista. Desde este lugar divísase unha boa panorámica da Ría de Vigo, ata Rande, aínda que o día non estea para facer fotos.
Seguimos ascendendo hacia o Coto Agudo, atravesamos a GR-94 e iniciamos unha boa subida que nos leva á golada que separa o Couto da Fonte Laxe (490 m) da Cavada da Graña (476 m).
Chegados á divisa de augas, no medio da néboa, por unha ancha pista que descende suavemente, chegamos á Cama do Home. Este penedo, posúe na cara superior unha concavidade natural de semellanza antropomorfa. Segundo a tradición, en época precristián, as parellas que tiñan problemas de fertlidade deitábanse nese oco para solucionar o problema. Vicente Risco reseña que Manuel Murguía era coñecedor desta historia. Outro autores menores, tamén fan referencia a esta pedra.
Desgraciadamente, este penedo, ao estar nunha zona de canteira, foi cortado polos seu extremos, quedando moi reducida a súa extensión, conservando apenas o espazo do oco.
Desde este punto, baixamos ata a Cruz do Brasil e, desde alí, outra vez pola GR-94, á Ermida de Cristo Rey. Logo collemos dirección NO, ascendemos á parte alta da Fracha e, chegados ao Coto Franqueira, baixamos ao Val Escuro, onde facemos unha parada para repoñer forzas.
Desde alí seguimos descendendo e seguindo o roteiro de Pontesampaio chegamos aos muiños de Acevedo, algún deles restaurado. Atravesamos Acevedo e collemos dirección Comboa, buscando o Río Verduxo pola pista que sigue o Oleoducto. Unha vez chegados á intersección co camiño que vén de Pontesampaio, collemos cara a esquerda en dirección a Comboa, final do traxecto.
Waypoints
You can add a comment or review this trail
Comments