Costa da Vela-Cabo Home-Facho de Hío (Cangas)

Ruta circular no concello de Cangas, que recorre a Costa da Vela e Cabo Home.
Comezamos a ruta en Donón, nun aparcadoiro a carón da escultura da Caracola, a pouco máis de 1 km. subiremos ao castro do Monte Facho, xa teremos unha vistas espectaculares das Illas Cíes e do Cabo Home.
Descendemos e poñemos rumbo a Punta Couso, onde unha desagradable sorpresa impediranos o paso ata o Faro de Punta Couso. No km. 4,6 da ruta atoparemos unha cancela dunha urbanización privada que nos impide o paso (...según sentenza do Tribunal Supremo); intentamos sortear este inconvinte por un camiño de fentos e xestas (no km. 4,8 faise complicado pasar-non recomendable); superado este obstáculo chegamos novamente a un camiño que vai hacia o faro, pero unha nova cancela pechanos o paso.
Recomendamos evitar este tramo da ruta (Punta Couso).
Collemos o camiño que vai cara Punta Lalada e logo continuamos a Praia de Areabrava, cruzamos Vilanova, e cando chegamos a un indicador que pon Pinténs, collemos unha pista a dereita que logo será camiño ata o Facho de Hío; onde nos esperan unhas vistas espectaculares de toda a ría. Descedemos polo mesmo camiño ata a estrada que vai a Donón (EP-1006), ao cruzar a estrada coleremos un camiño pegado o valo dunha casa, cando atopemos as primeiras casas colleremos un camiño a esquerda que nos levará ata Viñó e voltaremos ao mar na Praia de Barra.
Dende a Praia de Barra, un camiño en ascenso levaranos ata o Faro de Punta Subrido. (a 600 metros da praia o camiño divídese, non coller o camiño da esquerda, pois uns metros máis adiante está cortado por outra cancela.)
Dende Punta Subrido pasando pola Praia de Melide chegaremos os outros dous faros: Punta Robaleira e logo Cabo Home, dende onde voltaremos ao punto de incio da ruta.
Ruta cunhas vistas maravillosas e fácil de camiñar (agás o camiño de xestas no acceso a Punta Couso que se pode evitar conectando o km. 4,4 da ruta co km. 6,8).

Distancia: 22 km.
Tempo total: 6h. 15 ´
Tempo en movemento: 4h. 50´