Cuntis - Ríos Gallo e Umia.
near Cuntis, Galicia (España)
Viewed 26 times, downloaded 3 times
Trail photos
Itinerary description
Cuntis - Ríos gallo e Umia.
Waypoints
Comments (1)
You can add a comment or review this trail
Ruta de natureza que percorre os ríos Gallo e Umia e como tal contén sendeiros a carón dos ríos onde por treitos faise difilcultoso o camiñar tendo que extremar as precaucións para non escorregar.
Comeza en Cuntis e dende o punto do aparcamento axiña tomamos un sendeiro a carón do río Gallo. Este treito augas abaixo é fermosísimo xa que camiñamos entre fraga de ribeira, carballos, castiñeiros, aveleiros, etc. é ademais doado de camiñar até que abandoamos o río e ascendemos polo monte para logo baixar até o outro río da ruta, o Umia. Cruzar este monte fíxose complicadísimo xa que a vexetación cubría por completo os sendeiros e corredoiras tendo que ir adivinando por onde pisar. Os fentos superaban o metro e medio de altura.
Así chegamos até o río Umia e tomamos un sendeiro augas arriba que tiña por treitos o mesmo problema coa vexetación complicándose ademais na zona dos muíños onde temos que camiñar sobre rochas para logo ascender novamente entre vexetación salvaxe até chegar a estrada EP8402.
Dende aquí a ruta mixtura estradas de chapapote e algunha corredoira, atravesando as aldeas de Rebordelo, Ginzo e outras até chegar a Cuntis, o punto de partida.
A pesares da vexetación tan salvaxe a ruta é impresionante e merece a pena facela, amodiño e adicándolle mais tempo de que eu fixen, levade caiado ou bastón.
A destaque: Os dous sendeiros dos rios Gallo e Umia e a variedade dos muíños en ruinas, mais o son da auga de ambolos dous ríos.
Non señalizada por tanto imprescindible GPS.
Bon camiño.